Sugarcane Price Issue: ऊसदरावरुन छत्रपती संभाजीनगर, सोलापूर, धाराशिव जिल्ह्यात शेतकऱ्यांची आंदोलने सुरु आहेत. या पार्श्वभूमीवर राष्ट्रवादी काँग्रेस शरदचंद्र पवार पक्षाच्या खासदार सुप्रिया सुळे यांनी महत्त्वाची भूमिका मांडली. ऊसदर प्रश्नी सरकारने लक्ष घालून शेतकऱ्यांना न्याय द्यावा, अशी मागणी त्यांनी केली. .त्या आज (दि. १८ नोव्हेंबर) मुंबईत पत्रकारांशी बोलत होत्या. कोल्हापुरातील आंदोलनानंतर यंदाच्या हंगामात उसाला प्रतिटन ४,२०० रुपये दर देण्याचे कारखानदारांनी मान्य केले. आता राज्यातील इतर भागात सगळीकडे ऊसदरासाठी आंदोलन सुरु आहेत. उसाला एकसारखा भाव दिला जात नाही, असा प्रश्न उपस्थित करण्यात आला. .Sugarcane FRP Challenges: ‘एफआरपी’चे फसवे गणित.त्यावर बोलताना सुळे म्हणाल्या की, सरकार आणि शेतकऱ्यांनी एकत्र बसून यातून मार्ग काढला पाहिजे. जेव्हा आमचे राष्ट्रवादी काँग्रेस पक्षाचे सरकार होते. तेव्हा दिल्लीत शरद पवार साहेब आणि महाराष्ट्रात आर. आर. पाटील, जयंत पाटील, अजित पवार, सतेज पाटील, विश्वजित कदम, धीरज, अमित देशमुख आदी सगळे एकत्र बसून मार्ग काढायचे. तेव्हा अतिशय चांगल्या पद्धतीने विश्वासाच्या नात्याने सगळ्या गोष्टी हाताळल्या जात होत्या..Sugarcane Crushing : साखर हंगामाला वेग! महिनाभरात तब्बल २९.५३ लाख टन उसाचे गाळप पूर्ण, साखर उत्पादनात मोठी वाढ.कारखाना चांगला चालला पाहिजे. त्याचबरोबर आमच्या कष्ट करणाऱ्या काळ्या मातीशी इमान राखणाऱ्या शेतकऱ्याला न्याय मिळाला पाहिजे. यासाठी नेत्यांना विश्वासात घेऊन राजकारण बाजूला ठेवून महाराष्ट्र सरकारने लक्ष घातले पाहिजे, असे मत त्यांनी व्यक्त केले. .पाच हजारांच्या मदतीपासून काही शेतकरी वंचितपाच हजारांची अग्रिम मदत अद्याप काही शेतकऱ्यांना मिळालेली नाही. या पार्श्वभूमीवर खासदार सुळे यांनी सांगितले की, काल मी जिल्हाधिकारी कार्यालयात बारामती लोकसभा मतदारसंघाचा आढावा घेतला. बारामती, इंदापूर, दौंड, पुरंदर, हवेली, भोर, मुळशी, खडकवासला या भागातील अनेक शेतकरी वंचित राहिले आहेत. यावर जिल्हाधिकाऱ्यांनी सूचना केली आहे की, जर एखादा शेतकरी वंचित राहिल्याचे आमच्या निदर्शनास आणून दिल्यास तातडीने मदत वितरित करु. ज्या शेतकऱ्यांना मदत मिळालेली नाही. त्यांची यादी आमच्याकडून जिल्हाधिकारी कार्यालयाकडे जाईल..जर एखादा शेतकरी मदतीपासून वंचित राहिला असेल तर त्याची नाव नोंदणी करुन घ्या. त्याला पैसे द्यायला सरकार क्रमप्राप्त आहे. जरी आम्ही विरोधात असलो तरी आमची नैतिक जबाबदारी आहे. त्यासाठी जिल्हाधिकाऱ्यांच्या सूचनेनंतर आम्ही या प्रक्रियेच्या कामाला लागलो आहोत. तसेच आम्ही सरसकट कर्जमाफी, शेतकऱ्यांना मदतीची मागणी सातत्याने करत आहोत, असे सुळे यांनी नमूद केले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.