Sugarcane Crushing Season 2026 Maharashtra: राज्य सरकारच्या निर्णयानुसार, आजपासून ऊस गाळप हंगाम सुरु होत आहे. या पार्श्वभूमीवर ऊस दरावरुन स्वाभिमानी शेतकरी संघटनेने आक्रमक भूमिका घेत 'काटा बंद' आंदोलन सरु केले. राजू शेट्टी यांच्या नेतृत्त्वाखाली 'स्वाभिमानी'च्या कार्यकर्त्यांनी आज (दि. १५ ऑक्टोबर) सातारा, सांगलीतील कारखान्यांवर धडक दिली. त्यांनी आज सकाळी पहिल्यांदा कराड तालुक्यातील रेठरे बुद्रुक येथील यशवंतराव मोहिते कृष्णा सहकारी साखर कारखान्याबाहेर आंदोलन केले. .कारखान्याबाहेर मोठा पोलिस बंदोबस्त तैनात करण्यात आला आहे. दरम्यान, कारखान्याचे गाळप बंद ठेवण्यात आल्याची माहिती समोर आली आहे. ऊस दर प्रश्नी राजू शेट्टी यांच्या उपस्थितीत स्वाभिमानी शेतकरी संघटनेचे कार्यकर्ते आज कराडमधील कृष्णा कारखान्याबाहेर दाखल झाले. कृष्णा कारखाना हा पश्चिम महाराष्ट्रातील सर्वात मोठा ५० हजारांवर सभासद संख्या असलेला कारखाना आहे. .Sugarcane Crushing Season: ऊस हंगामास आजपासून प्रारंभ; शेतकरी संघटनांची हंगाम १५ नोव्हेंबरपासून सुरू करण्याची मागणी.यंदाच्या हंगामात साखर कारखान्यांनी प्रतिटन ५ हजार रुपये दर द्यावा आणि केंद्र सरकारकडून ५०० रुपये अनुदान देण्याची मागणी शेट्टी यांनी केली आहे. यासाठी सांगली व सातारा जिल्ह्यात सुरू असलेल्या साखर कारखान्यांचे वजनकाटे बंद करण्यासाठी त्यांनी आंदोलनाची हाक दिली होती. त्यानुसार आजपासून त्यांनी आंदोलन सुरु केले. .Sugarcane Farmers Protest: उद्यापासून कारखाने बंद पाडणार; राजू शेट्टींचा इशारा, पुणे- बंगळूर महामार्गावरील आंदोलन स्थगित.साखरेची एमएसपी, इथेनॉल दरवाढ आणि ऊस उत्पादक शेतकऱ्यांना अनुदान देण्याच्या मागणीसाठी त्यांनी पुणे- बंगळूर महामार्गावर ३२ तास ठिय्या आंदोलन केले. त्यानंतर शेट्टी यांनी आंदोलनाची दिशा बदलत आता साखर कारखाने बंद करण्याचे आंदोलन सुरु केले आहे. त्यानुसार ऊस उत्पादक शेतकरी आणि संघटनेचे कार्यकर्ते मोठ्या संख्येने आज कृष्णा कारखान्याबाहेर दाखल झाले. .ऊस दर जाहीर न करताच कारखाने सुरू केल्याचा आरोपसातारा आणि सांगली जिल्ह्यातील काही कारखानदारांनी मुख्यमंत्र्यांच्या सुचनेनुसार तसेच ईडी आणि सीबीआयच्या चौकशीला घाबरून ऊस दर जाहीर न करताच कारखाने सुरू केले आहेत, असा आरोप शेट्टी यांनी केला. त्यासाठी या कारखानदारांना धडा शिकवण्यासाठी आजपासून 'काटा बंद' आंदोलन करण्यात येईल. हे सर्व साखर कारखाने बंद पाडून ऊसतोड रोखली जाईल. दोन दिवसांनंतर सर्व कार्यकर्ते हुबळी येथील पदयात्रेत सहभागी होतील, असे त्यांनी सांगितले आहे. .सांगली जिल्ह्यातील कारखान्यांवरही धडकराजू शेट्टी यांच्या नेतृत्त्वाखाली स्वाभिमानीच्या कार्यकर्त्यांनी आज सकाळपासूनच सांगली आणि सातारा जिल्ह्यातील साखर कारखान्यांवर धडक दिली. यात कराडमधील कृष्णा कारखान्यासह सांगली जिल्ह्यातील कुंडल येथील क्रांती कारखाना, सोनहिरा कारखाना, वाळवा येथील हुतात्मा कारखाना, चिखलीतील विश्वास कारखान्याचा समावेश होता. जोपर्यंत केंद्र सरकार साखरेचा किमान विक्री दर (एमएसपी) वाढवत नाही, तोपर्यंत कारखान्याचे धुराडे पेटू देणार नाही आणि सर्व कारखाने बंद ठेवा, असा इशारा शेट्टी यांनी दिला..चालू वर्षी शेतकरी केंद्र सरकारच्या अन्यायी धोरणांविरोधात रस्त्यावरची आरपारची लढाई लढत आहे. साखरेची एमएसपी वाढली तर शेतकऱ्यांपेक्षा जास्त फायदा कारखानदारांचा होईल. त्यामुळे सर्व कारखानदारांनी कोणत्याही राजकीय अथवा सरकारच्या दबावाला बळी न पडता या आंदोलनाला जाहीर पाठिंबा द्यावा, असे आवाहन शेट्टी यांनी केले. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
