Sugarcane Crushing : सांगली जिल्‍ह्यातील गाळप हंगाम मार्चअखेर संपण्याची शक्यता

Sangli News : जिल्ह्यात सध्या तेरा साखर कारखान्यांचा (Sugar Factory) ऊस गळीत हंगाम (Sugarcane Crushing Season) सुरू आहे. ऊस गाळपात (sugarcane Crushing) सांगलीतील श्री दत्त इंडिया पहिल्या क्रमांकावर, म्हणजे ९.२४ लाख टन; तर साखर उताऱ्यात राजारामबापू साखर कारखान्याचे सर्वोदय युनिट पहिल्या क्रमांकावर, म्हणजे १२.७६ टक्के उतारा आहे.

जिल्ह्यात फेब्रुवारीअखेर ७२.२९ लाख टनाचे गाळप झाले. साखर उतारा (Sugar Recovery) ११.३६ टक्के आहे. जिल्ह्यातील सर्व कारखाने सुरू आहेत. पूर्व भागातील कारखाने पंधरा दिवसांत, तर उर्वरित मार्चअखेर बंद होण्याची शक्यता आहे.

यंदा गळीत हंगाम १ नोव्हेंबरपासून सुरू करण्याचे शासनाचे आदेश होते, मात्र तत्पूर्वीच काही कारखाने सुरू झाले होते. प्रत्यक्षात १५ नोव्हेंबरनंतरच हंगामाला गती आली.

मध्यंतरी झालेल्या वादळी पावसाने ऊस तोडणीवर मर्यादा आल्या होत्या, मात्र त्यानंतर पावसाने उघडीप दिल्याने हंगाम पुन्हा सुरू झाला. गेल्या वर्षीच्या तुलनेत या वर्षी एफआरपीतही प्रतिटन १५० रुपयांची वाढ झाल्याने शेतकऱ्यांनाही चांगले पैसे मिळणार आहेत.

फेब्रुवारीअखेर ९४५.७७ लाख टन गाळप होऊन ९४७.१६ लाख क्विंटल साखर उत्पादन झाले आहे. गेल्या वर्षी राज्याचा उतारा १०.२५ होता, आज तो १०.०१ पर्यंत घटला आहे.

कारखाने गाळप (साखर टन) उतारा (टक्के)

दत्त इंडिया, सांगली ९.२४ ११.२९

राजारामबापू, साखराळे ७.४८ ११.०९

विश्‍वास, चिखली ५.३४ १२.२६

हुतात्मा, वाळवा ४.२२ १०.८१

राजारामबापू, वाटेगाव ४.३६ १२.५३

जत, तिप्पेहळ्ळी २.७६ १०.८८

पतंगराव कदम सोनहिरा ७.१९ ११.९५

जी. डी. बापू लाड १७.५४ १०.२२

राजारामबापू-सर्वोदय ३.३२ १२.७६

मोहनराव शिंदे, आरग ३.६७ ११.१५

दालमिया, कोकरूड ४.६२ १२.०९

केन ॲग्रो ०.८४ १०.४५

उदगिरी, पारे ४.९१ ११.२६

सद्‌गुरू ६.३२ ८.९०

श्रीपती शुगर ०.४४ १०.१६

एकूण ७२.२९ ११.३६