Nashik News : द्राक्ष उत्पादक पट्ट्यात यंदा जुलैपासून सप्टेंबरच्या दुसऱ्या सप्ताहापर्यंत पावसाने मोठा खंड दिला. संभाव्य पाण्याची टंचाई बघता द्राक्ष उत्पादकांनी ऑक्टोबरमध्ये केल्या जाणाऱ्या छाटण्यांना यंदा दोन आठवडे अगोदरपासूनच सुरुवात केली आहे. नाशिकमध्ये या कामांना वेग आला आहे. जवळपास ५५ टक्क्यांपर्यंत छाटण्या पूर्ण झाल्याची स्थिती आहे.
जिल्ह्यात दीड लाख हेक्टरपर्यंत द्राक्ष लागवडी आहेत. त्यात सप्टेंबरअखेर गोडी बहर छाटण्यांना वेग येत असतो. मात्र निफाड, दिंडोरी, चांदवड, येवला, सिन्नर तालुक्यांत पाण्याची टंचाई आहे. त्यामुळे लवकर छाटणी करण्यासाठी प्राधान्य देण्यात येत आहे. दरम्यान अनेक भागात पाऊस झाल्याने शेतकऱ्यांना काहीसा दिलासा मिळाला आहे.
सुरुवातीला मोठे पाऊस होतील असे चुकीचे हवामान अंदाज वर्तविण्यात आले. त्यामुळे नुकसान टाळण्यासाठी शेतकऱ्यांनी कामे हाती घेतली. मात्र पाऊस न झाल्याने छाटणी कामांनी गती घेतली.
आता पाऊस झाल्याने शेतकऱ्यांनी ती गती कमी केली आहे. काही ठिकाणी अद्यापही धरणे भरणे बाकी आहे. विहरीत अद्याप पाणी उतरलेले नाही. काही ठिकाणी पावसाचा जोर अधिक तर काही भागात कमी आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
