Nashik News: शासकीय आधारभूत किंमत योजना २०२५-२६ अंतर्गत विंचूर येथील कृषी साधना महिला सहकारी फळे व भाजीपाला खरेदी-विक्री संस्था मर्यादित येथे अखेर बारदान उपलब्ध झाल्याने तब्बल दीड महिन्यांनंतर सोयाबीन खरेदीला पाच हजार ३२८ रुपये प्रतिक्विंटल हमीभावाने खरेदी सुरू करण्यात आली आहे. यासाठी आतापर्यंत ३५० शेतकऱ्यांनी नोंदणी केली आहे. .सध्या सोयाबीनची खरेदी प्रक्रिया सुरू असली तरी अद्याप किती क्विंटल सोयाबीनची खरेदी झाली आहे, याची अधिकृत आकडेवारी जाहीर करण्यात आलेली नाही. शासनाकडून २ हजार ४०० रुपये प्रतिक्विंटल हमीभावाने मक्याची खरेदी करण्याची घोषणा करण्यात आली आहे. या पार्श्वभूमीवर विंचूर आणि लासलगाव परिसरातील तब्बल ७०० मका उत्पादक शेतकऱ्यांनी मका विक्रीसाठी नोंदणी केली आहे. .Soybean Procurement: सोयाबीनची आठ खरेदी केंद्रे वाढली.मात्र अद्याप शासनाकडून आवश्यक परवानगी न मिळाल्याने मक्याची खरेदी सुरू झालेली नाही. शेतकऱ्यांना बाजार समितीतील व्यापाऱ्यांकडे ५०० ते ६०० रुपये कमी दराने मका विक्री करावी लागत आहे. परिणामी शेतकऱ्यांचे मोठे आर्थिक नुकसान होत असून तात्काळ मक्याची शासकीय खरेदी सुरू करावी, अशी जोरदार मागणी शेतकरी वर्गातूनहोत आहे..Soybean Procurement: हमीभावाने सोयाबीन खरेदी सुरू .लासलगावला खरेदी बंदचलासलगाव येथील खरेदी-विक्री संघामार्फत दरवर्षी सोयाबीन व मक्याची नोंदणी तसेच प्रत्यक्ष खरेदी प्रक्रिया राबविली जाते. मात्र यंदा ही प्रक्रिया बंद ठेवण्यात आल्याची माहिती समोर आली आहे. गेल्या वर्षीच्या व्यवहारांमध्ये अंदाजे १५ ते २० लाख रुपयांची थकीत रक्कम असल्याने यावर्षी नोंदणी व खरेदी न करण्याचा निर्णय घेण्यात आल्याचे समजते. त्यामुळे लासलगाव परिसरातील शेतकऱ्यांना विंचूर येथील खरेदी केंद्रावर अवलंबून राहावे लागणार आहे..सोयाबीन मका नोंदणीसाठी ३० डिसेंबरपर्यंत मुदत असल्याने जास्तीत जास्त शेतकऱ्यांनी नोंदणी करून शासकीय आधारभूत किंमत योजनेंतर्गत हमीभावाचा लाभ घ्यावा. शासनाने घालून दिलेल्या विकासाचा काटेकोर पालन करत ही खरेदी केली जात असल्याने शेतकऱ्यांनी सुद्धा सर्व कागदपत्र व मका सोयाबीन आर्द्रतेचे प्रमाण पाहूनच आणावे.- गौरव जाधव, चालक, विंचूर धान खरेदी केंद्र.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
