Dharashiv News: खरेदी सुरू करण्याची तारीख उलटून तीन दिवस झाले तरी अद्याप जिल्ह्यातील बहुतांश केंद्रांवर हमीभावाने सोयाबीनची खरेदी सुरू झालेली नाही. बारदाना, उत्पादकता निश्चितीत वेळ जात असल्याने प्रत्यक्ष खरेदी सुरू होण्यास विलंब होत असल्याची स्थिती आहे..जिल्ह्यातील ३१ हमीभाव खरेदी केंद्रांवर शनिवारपासून (ता. १५) सोयाबीनची खरेदी केली जाणार असल्याचे प्रशासनाने जाहीर केले होते. मात्र, भूम येथील दोन केंद्रे वगळता इतर बहुतांश केंद्रांवर काटापूजन, उद्घाटनाचे सोपास्कार पार पाडले जात आहेत. अद्यापही अनेक केंद्रांनी सोयाबीन विक्रीस घेऊन येण्यासंबंधीचे संदेश शेतकऱ्यांना पाठविलेले नाहीत. त्यामुळे अजूनही सोयाबीन खरेदी सुरू झालेली नाही..Soybean MSP Procurement: हमीभावाने सोयाबीन खरेदीसाठी नोंदणीला ६ जानेवारीपर्यंत मुदतवाढ; खरेदीची मुदत जैसे थे .दरम्यान, सर्व केंद्रांवर प्रत्यक्ष सोयाबीन खरेदी सुरू होण्यास आणखी दोन-तीन दिवसांचा कालावधी लागण्याची शक्यता वर्तविण्यात येत आहे. त्यातही पुन्हा शेतकऱ्यांना रांगा लागणे, खरेदी प्रक्रिया कासवगतीने होणे आणि शेतकऱ्यांना थंडीत सोयाबीनची राखण करावी लागण्याची स्थिती निर्माण होण्याचीही शक्यता आहे. ही स्थिती टाळण्यासाठी नाफेडसह खरेदी केंद्रांनी आत्तापासूनच योग्य नियोजन करण्याची गरज आहे. तसेच मागील वर्षीप्रमाणे शेतकऱ्यांचे हाल होणार नाहीत, याची दक्षता घेतली पाहिजे..सोयाबीन हे जिल्ह्यातील प्रमुख पीक आहे. जिल्ह्याचे अर्थकारण प्रामुख्याने या पिकाभोवतीच फिरते. बाजारातील सोयाबीनला मिळणाऱ्या कमी दरामुळे शेतकऱ्यांना निश्चित दर देण्यासाठी हमीभाव केंद्रांद्वारे सोयाबीन खरेदी केले जाते. खरेदी केंद्रात सोयाबीन घातल्यास शेतकऱ्यांना पाच हजार ३२८ प्रतिक्विंटल दर मिळतो. हा दर खासगी बाजारातील दरांपेक्षा प्रतिक्विंटल ७०० ते ८०० रुपयांनी अधिक आहे. त्यामुळे शेतकऱ्यांचा कल हमीभाव केंद्रांवर सोयाबीनच्या विक्रीकडे आहे..Soybean MSP Procurement: सोयाबीन खेरदीची जिल्हानिहाय हेक्टरी मर्यादा किती?.आतापर्यंत १३ हजारांवर शेतकऱ्यांनी हमीभावाने सोयाबीन विक्रीसाठी नोंदणी केली आहे. त्यानंतर शेतकरी खरेदी सुरू होण्याच्या प्रतीक्षेत होते. शनिवारपासून सोयाबीनची खरेदी सुरू होणार असल्याचे प्रशासनाने जाहीर केले. मात्र प्रत्यक्षात दोन केंद्रे वगळता इतर केंद्रांवर अद्यापही खरेदी सुरू झालेली नाही..खरेदी केंद्रे सुरू झाली असली तरी ही खरेदी सुरळीत सुरू होण्यास दोन-तीन दिवसांचा कालावधी लागेल. हेक्टरी उत्पादकता निश्चित नव्हती. त्यामुळे थोडा विलंब लागत आहे; मात्र, लवकरच वेगाने सोयाबीन खरेदी सुरू होईल.- मनोज वाजपेयी, जिल्हा पणन अधिकारी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
