Nanded News : नांदेडला सोयाबीन पक्वतेपूर्वीच पिवळे पडून वाळून गेल्यामुळे शेतकऱ्यांच्या लाखो हेक्टरवरील पिकांचे मोठे नुकसान होत आहे.याबाबत कृषी विभाग आणि मदत व पुनर्वसन विभागांनी संयुक्तपणे तातडीने सोयाबीन पिकांचे पंचनामे पूर्ण करण्याचे निर्देश दिले होते.
परंतु नांदेडला मात्र अद्याप पंचनामे पूर्ण झाले नसल्याची माहिती समोर आली आहे. नांदेड जिल्ह्यात यंदा सर्वाधिक साडेचार लाख हेक्टरवर सोयाबीनची पेरणी झाली आहे. या पिकावर मात्र मागील काही वर्षापासून रोगाचा मोठ्या प्रमाणात प्रादुर्भाव होत आहे.
यंदा अतिवृष्टीमुळे जुलै महिन्यात पिकाचे नुकसान झाल्यानंतर बुरशीजन्य रोगामुळे लाखो हेक्टरवरील सोयाबीनला बाधा झाली. परिणामी उत्पादनात चाळीस ते ८० टक्क्यांपर्यंत घट येण्याचा अंदाज व्यक केला आहे.
जिल्ह्यांमध्ये सोयाबीन पिकावर यलो मोझॅक या विषाणूजन्य रोग आणि खोडकूज, मूळकूज या बुरशीजन्य रोगाचा प्रादुर्भाव झाला आहे. याबाबत कृषी विभाग आणि मदत व पुनर्वसन विभागांनी संयुक्तपणे तातडीने सोयाबीन पिकांचे पंचनामे सुरू करावे,
असे निर्देश सरकारने दिले होते. यानुसार जिल्हा प्रशासनाने महसूल, कृषी व ग्रामसेवकांना पंचनामे करण्याचे आदेश दिल्यानंतरही अद्याप पंचनामे झाले नाहीत.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.