Nashik News : रासायनिक खते विक्रीत लिकिंग होत असल्याने विक्रेत्यांना कामकाजात अडचणींचा सामना करावा लागत होता. या मुद्द्यावर नाशिक ॲग्रो डीलर्स असोसिएशन(नाडा)ने बैठक घेत जिल्ह्यात कुठेही रासायनिक खते लिंकिंगसह खरेदी बंद करण्याचा निर्णय घेण्यात आला होता.
अखेर यासंबंधी कंपन्यांनी लिंकिंगसह खतांच्या खरेदीमध्ये नरमाईची भूमिका घेतली आहे. रासायनिक खते विक्रीत लिंकिंग करणार नाही, अशी कंपन्यांनी ग्वाही दिल्याचे ‘नाडा’कडून कळवण्यात आले आहे
खरेदी बंदच्या भूमिकेनंतर जिल्हा कृषी अधीक्षक अधिकारी कार्यालयात ‘कृषी’चे प्रमुख अधिकारी, खते विक्रेते, ‘नाडा’चे पदाधिकारी व कंपन्यांचे प्रतिनिधी यांच्या उपस्थितीत बैठक झाली.
या वेळी जिल्हा अधीक्षक कृषी अधिकारी शिवाजी आमले, ‘झेडपी’चे कृषी विकास अधिकारी संजय शेवाळे, मोहीम अधिकारी अभिजित जमदाडे, जगन सूर्यवंशी यांच्या उपस्थित बैठक झाली. या वेळी ‘नाडा’चे अरुण मुळाणे, मंगेश तांबट, चंद्रकांत ठक्कर, शिवाजी पाटील, पुंडलिक जाधव, दीपक सानप, संतोष पाटील, दीपक मालपुरे, महेंद्र सराफ आदी उपस्थित होते.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.