Maharashtra Agriculture Project: मा. बाळासाहेब ठाकरे कृषी व्यवसाय व ग्रामीण परिवर्तन (SMART) प्रकल्पासाठी २०२६-२७ या आर्थिक वर्षात १३९.४९ कोटी इतका निधी वितरीत करण्यास शासनाने मंजुरी दिली आहे. यात बाह्य आणि राज्य हिश्यासाठी वितरित करावयाच्या निधीमध्ये सहाय्यक अनुदानांसाठी ४६ कोटी आणि अर्थसाह्यासाठी ९३ कोटी निधीचा समावेश आहे. याबाबतचा शासन निर्णय कृषी विभागाने जारी केला आहे. .मा. बाळासाहेब ठाकरे कृषी व्यवसाय व ग्रामीण परिवर्तन प्रकल्पाची (State of Maharashtra's Agribusiness and Rural Transformation SMART) राज्यातील सर्व जिल्ह्यांमध्ये सन २०१९-२० ते २०२६-२७ या ७ वर्षाच्या कालावधीत अंमलबजावणी करण्यात येत आहे..Smart Agriculture : डॉ. इल्हे यांच्या शेतकरी हिताच्या संशोधन विस्तारकार्याचा गौरव.या प्रकल्पासाठी सन २०२६-२७ या आर्थिक वर्षासाठी ४०० कोटी इतकी अर्थसंकल्पीय तरतूद केली आहे. स्मार्ट प्रकल्पांतर्गत या वर्षात अर्थसंकल्पातील तरतुदीपैकी विविध बाबींची अंमलबजावणी करण्यासाठी बाह्य हिश्श्याचा व राज्य हिश्श्याचा एकूण १३९.४९ कोटी निधी वितरीत करण्यास मंजुरी देण्यात आली आहे. .Smart Farming: ‘स्मार्ट फार्मिंग’ हाच शाश्वत प्रगतीचा मार्ग.लहान आणि सिमांत शेतकरी तसेच शेतीतील नवद्योजकांना शेतमालाच्या सर्वसमावेशक आणि स्पर्धात्मक मूल्यसाखळ्यांच्या विकासासाठी मदत करण्याचा स्मार्ट प्रकल्पाचा उद्देश आहे. या प्रकल्पांतर्गत लाभ घेण्यासाठी संस्था नोंदणीकृत असणे आणि थकबाकीदार नसावी, अशी अट आहे. उत्पादक भागीदार उप प्रकल्पासाठी किमान २५० भागधारक शेतकरी असायला हवेत..शेतमाल व फळपिकांवर प्रक्रिया उद्योग उभारून शेतकऱ्यांना वस्तू उत्पादन आणि बाजारांमध्ये विपणन करण्याची संधी या माध्यमातून उपलब्ध करुन दिली जात आहे. तसेच यातून मूल्यसाखळ्यांची मजबुती, शेती व्यवसायांना चालना देणे, बाजारपेठेशी थेट जोडणे आणि शाश्वत शेतीला प्रोत्साहन दिले जात आहे. .राष्ट्रीय नैसर्गिक शेती अभियानासाठी दुसऱ्या हप्त्याचा निधी वितरीततसेच राष्ट्रीय नैसर्गिक शेती अभियान सन २०२६-२७ या आर्थिक वर्षात राबविले जात आहे. त्यासाठी सर्वसाधारण प्रवर्ग, अनुसूचित जाती व अनुसूचित जमाती प्रवर्गाचा एकूण केंद्र हिस्सा ३५ कोटी ३५ लाख आणि त्यास समरुप राज्य हिश्याचा २३ कोटी ५६ लाख रुपये असा दुसऱ्या हप्त्याचा एकूण ५८ कोटी ९१ लाख निधी कृषी आयुक्तालयात वितरित करण्यात आला आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
