Sugar Factory : सांगली जिल्ह्यातील सहा कारखान्यांची धुरांडी थंडावली

Sangli News : सांगली जिल्ह्यातील साखर हंगाम अंतिम टप्प्यात आला आहे. सहा कारखान्यांचा गाळप हंगाम सध्या आटोपला आहे. १६ साखर कारखान्यांनी ८४ लाख ५० हजार टन उसाचे गाळप करून ९४ लाख ४९ हजार क्विंटल साखरेचे उत्पादन घेतले आहे. कारखान्यांचा सरासरी ११.१८ टक्के उतारा गळीत हंगामात मिळाला आहे. मार्चच्या अखेरपर्यंत हंगाम संपण्याची शक्यता कारखानदारांनी वर्तवली आहे.

जिल्ह्यात यंदा १६ साखर कारखान्यांनी हंगाम सुरू केला. हंगामात १ लाख ३५ हजार ६८८ हेक्टरवरील उसाचे गाळपासाठी १५ साखर कारखाने सुरू झाले. ऊसदराचा प्रश्न आणि अवकाळी पाऊस यामुळे गाळप हंगामास गती आली नव्हती. त्यानंतर गाळप सुरू झाले असले तरी,

दराचा प्रश्न सुटला नसल्याने कारखानदारांनी आंदोलनाची दाहकता लक्षात घेऊन गाळप सुरू ठेवले होते.त्यानंतर जानेवारीच्या शेवटच्या आठवड्यात तासगाव येथील एस. जी. झेड कारखान्याने गाळप सुरू केल्याने गाळप करणाऱ्या कारखान्याची संख्या १६ झाली. त्यानंतर गाळपास गती आली.

मार्चच्या पहिल्या आठवड्यात राजारामबापूचे जत व आरगचा मोहनराव शिंदे या कारखान्यांचा हंगाम आटोपला होता. त्यानंतर राजारामबापूचे वाटेगाव, कारंदवाडी, शिराळ्याचा दायमिलाय (निनाई), श्रीपती शुगर या चार कारखान्यांची धुराडी थंडावली. मार्चच्या पहिल्या आठवड्यात ७८ लाख टन उसाचे गाळप करत ८६ लाख १२ हजार क्विंटल साखर उत्पादन घेतले होते. तिसऱ्या आठवड्यात ८४ लाख ५० हजार टन गाळप करत ९४ लाख ४९ हजार क्विंटल उत्पादन झाले.

जिल्ह्यातील साखर कारखानानिहाय गाळपाचे चित्र

कारखाना गाळप (टन) साखर उत्पादन (क्विंटल) उतारा (टक्के)

दत्त इंडिया, सांगली ७ लाख ९१ हजार ८ लाख ९३ हजार ११.४१

राजारामबापू, साखराळे ८ लाख १६ हजार ९ लाख ६३ हजार ११.८५

विश्वास, चिखली ५ लाख ६५ हजार ६ लाख ८० हजार १२.१८

हुतातमा, वाळवा ४ लाख ९५ हजार ६ लाख १८ हजार १२.२८

राजारामबापू, वाटेगाव ४ लाख ८२ हजार ६ लाख ११ हजार १२.६२

एसजीझेड, तासगाव १ लाख ३१ हजार १ लाख ७ हजार ८.४२

राजारामबापू, तिपेहळ्ळी १ लाख ८४ हजार २ लाख ६ हजार १०.३१

सोनहिरा, वांगी ९ लाख ५८ हजार १० लाख ४९हजार ११.४९

क्रांतिअग्रणी, कुंडल १० लाख १९ हजार १० लाख ८७ हजार ११.८६

राजारामबापू, कारंदवाडी ३ लाख ८३ हजार ४ लाख ८० हजार १२.५०

मोहनराव शिंदे, आरग २ लाख ५४ हजार २ लाख ७० हजार १०.५८

निनाईदेवी, कोकरूड ५ लाख ०१ हजार ६ लाख ०६ हजार ११.८९

यशवंत, नागेवाडी १ लाख २९ हजार १ लाख ४० हजार १०.७१

केन अॅग्रो, डोंगराई २ लाख २७ हजार २ लाख १७ हजार १०.२६

उदगिरी, पारे ६ लाख १५ हजार ६ लाख ६२ हजार १०.७६

सद्‌गुरू, राजेवाडी ५ लाख ९३ हजार ५ लाख ३१ हजार ९.२९

श्रीपती शुगर, डफळापूर ३ लाख ३ लाख २४ हजार १०.७१

एकूण ८४ लाख ५० ९४ लाख ४९ हजार ११.१८