Jal Jeevan Mission : जल जीवन मिशनच्या प्रचारासाठी लघुपटनिर्मिती स्पर्धा

Manisha Ovhale : जल जीवन मिशनच्या प्रभावी प्रचार प्रसिद्धीसाठी व ग्रामस्थांमध्ये जनजागृतीसाठी जिल्हास्तरीय लघुपट निर्मिती स्पर्धा होणार असल्याची माहिती जिल्हा परिषदेच्या मुख्य कार्यकारी अधिकारी मनीषा आव्हाळे यांनी दिली.
Jal Jeevan Mission
Jal Jeevan MissionAgrowon
Published on
Updated on

Solapur News : जल जीवन मिशनच्या प्रभावी प्रचार प्रसिद्धीसाठी व ग्रामस्थांमध्ये जनजागृतीसाठी जिल्हास्तरीय लघुपट निर्मिती स्पर्धा होणार असल्याची माहिती जिल्हा परिषदेच्या मुख्य कार्यकारी अधिकारी मनीषा आव्हाळे यांनी दिली.

जल जीवन मिशनअंतर्गत ‘हर घर जल से नल’ देण्यासाठी पाणीपुरवठा योजनांची कामे सुरू आहेत. त्याच्या प्रबोधनासाठी जलशक्ती मंत्रालय, भारत सरकार व राज्याच्या पाणीपुरवठा व स्वच्छता विभागातर्फे लघुपट स्पर्धा होत आहेत.

Jal Jeevan Mission
Jal Jeevan Mission : मराठवाड्यात २२ लाख १५ हजार कुटुंबांना नळजोडणी

या लघुपटनिर्मिती स्पर्धेसाठी पाण्याचे शाश्‍वत स्रोत, पाणीपुरवठा देखभाल व दुरुस्ती, जलसंधारण, हर घर जल घोषित गाव विकास, जल जीवन मिशन यशोगाथा, विविध योजनांचे कृतीसंगम हे विषय राहणार आहेत. या स्पर्धेसाठी स्पर्धकांनी लघुपटाची निर्मिती स्वतः केलेली असावी. पटकथा, दृश्य, संकल्पना, संवाद, पार्श्‍वसंगीत, गीत, चित्रीकरण स्वतः तयार केलेले असावे.

अगोदर प्रकाशित झालेले किंवा व्यक्ती, संस्था, कंपनी, शासकीय विभागांनी त्यांच्या कामासाठी तयार केलेले लघुपट स्पर्धेसाठी सादर करू नयेत. या स्पर्धेसाठी सादर करण्यात येणारे लघुपट याबाबतचे कॉपीराइटबाबतचे उल्लंघन होत नसल्याचे स्वयंघोषित प्रमाणपत्र प्रत्येक स्पर्धकाने सादर करणे बंधनकारक राहणार आहे.

Jal Jeevan Mission
Jal Jeevan Mission : ‘जल जीवन’अंतर्गत जिल्ह्यातील ७८ गावे ‘हर घर जल’ घोषित

लघुपट निर्मितीसाठी वापरलेले शूटिंग साहित्य व्यावसायिक दर्जाचे व उत्तम असावे. सदर लघुपट स्पर्धेत सहभाग नोंदवून ३० डिसेंबर २०२३ पर्यंत जिल्हा पाणी व स्वच्छता मिशन कक्ष, जिल्हा परिषद, सोलापूर येथे आपला लघुपट पेनड्राइव्हमध्ये सादर करावा असे आवाहनही करण्यात आले आहे.

३१, २१ आणि ११ हजारांची बक्षिसे

लघुपट स्पर्धेसाठी एका स्पर्धकाला एकाच विषयावरील लघुपट सादर करता येईल. लघुपट तीन ते पाच मिनिटांचा असावा. स्पर्धेत प्रथम, द्वितीय, तृतीय असे क्रमांक मिळविणाऱ्या स्पर्धकांना अनुक्रमे ३१ हजार, २१ हजार व ११ हजार रुपये बक्षीस, सन्मानचिन्ह व प्रमाणपत्र देऊन गौरविण्यात येणार आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com