Shirpur Sugar Factory : शिरपूर साखर कारखान्याची दुरावस्था

Cooperative Sugar Mill : गेल्या ११ वर्षांपासून कारखाना बंद असल्याने कारखान्याच्या मालमत्तेची झीज होऊन सर्व यंत्रणा खराब झाली. तसेच कारखान्याच्या बखळ जागेवर अतिक्रमणही झाले आहे.
Sjirpur Sugar Mill
Sjirpur Sugar MillAgrowon
Published on
Updated on

Dhule News : दहीवद (ता. शिरपूर) येथील शिरपूर शेतकरी सहकारी साखर कारखान्याची दुरवस्था होत आहे. यंदाही हा कारखाना सुरू होण्याची शक्यता कमीच आहे. कारखाना अनेक वर्षे बंद असून, तो भंगारात जाण्याची शक्यता व्यक्त करण्यात येत आहे.

गेल्या ११ वर्षांपासून कारखाना बंद असल्याने कारखान्याच्या मालमत्तेची झीज होऊन सर्व यंत्रणा खराब झाली. तसेच कारखान्याच्या बखळ जागेवर अतिक्रमणही झाले आहे. कारखाना भाडेतत्त्वावर देण्याची प्रक्रिया मध्यंतरी यशस्वी झाली नाही.

यामुळे यंदाही हा कारखाना बंदच आहे. कारखाना बंद असल्याने यंत्रणेची दैना होत आहे. हा कारखाना भाडेतत्त्वावर देण्यासाठी दोन वर्षांपूर्वी सभासदांनी विशेष सर्वसाधारण सभा घेऊन बहुमताने मंजुरी दिली होती. हा कारखाना सुरू करण्याच्या अनुषंगाने तो भाडेतत्त्वावर देण्याची संपूर्ण प्रक्रिया पारदर्शकपणे झाली. निविदाप्रक्रिया ऑनलाइन पद्धतीने राबविली.

Sjirpur Sugar Mill
Malegaon Sugar Factory: ‘माळेगाव’वर अजित पवार यांचीच सत्ता

इच्छुकांनी या प्रक्रियेत सहभाग घेतला. परंतु या प्रक्रियेस प्रतिसाद मिळाला नाही. यामुळे कारखाना बंद आहे. कारण नंतर कारखाना सुरू करण्याचे प्रयत्नच झाले नाहीत. शिरपूर साखर महत्त्वाचा असून, शिरपूर, साक्री व नजीकच्या जळगाव जिल्ह्यातील चोपडा तालुक्यासाठी लाभदायी आहे.

कारखान्याचे लाभक्षेत्र मोठे

ऊस पिकासाठी मुबलक पाणी, सुपीक जमीन आदी कारखान्याजवळ आहे. शिरपूर, नजीकचा चोपडा व नंदुरबारमधील शहादा तालुक्यात पाणी मुबलक असून, उसाची चांगली लागवड असते. या पार्श्वभूमीवर कारखाना पुन्हा सुरू करण्याची गरज आहे. त्यासाठी पुन्हा विशेष सर्वसाधारण सभा घेतली जावी, अशी मागणी ऊस उत्पादक करीत आहेत.

Sjirpur Sugar Mill
Sugar Factory Loan : ‘एनसीडीसी’च्या कर्जासाठी वैयक्तिक हमीपत्र बंधनकारक

यंदाही कारखाना भाडेतत्त्वावर देण्याची प्रक्रिया राबवा. ऑनलाइन निविदाप्रक्रिया निःपक्षपाती असते. यामुळे पुढे या प्रक्रियेस प्रतिसाद मिळू शकतो. कारखाना भाडेतत्त्वावर घेऊन चालविण्यासाठी इच्छुक तयार आहेत. कारखाना भाडेतत्त्वावर देण्यासाठी धुळे व नंदुरबार जिल्हा मध्यवर्ती सहकारी बँकेचेही सहकार्य घेतले जावे, अशी मागणी करण्यात येत आहे.

सर्वाधिक गाळपाचा मान

कारखान्याच्या कार्यक्षेत्रात चार तालुके, १६६ गावांचा समावेश असून, त्यांपैकी १२४ गावे शिरपूर तालुक्यात आहेत. कारखान्याची एकूण सभासद संख्या १३ हजार ७०० असून, कारखाना २५०० टीसीडी क्षमतेचा आहे. ऊस लागवडीखालील जमीन पाच लाख हेक्टरवर उपलब्ध होऊ शकते. यापैकी ७० टक्के जमीन सिंचनाखाली आहे. कारखाना सुरू असताना कारखान्याने छत्रपती संभाजीनगर विभागात सर्वाधिक गाळप केले होते.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon - Agriculture News
agrowon.esakal.com