Orange Export : संत्री घेता विकत की वाटू फुकट?, 'प्रहार'चं अनोखं आंदोलन

Amravati News : बांग्लादेशाने संत्र्यांवर प्रति किलो ८८ रुपये आयात शुल्क वाढवल्याने संत्रा उत्पादक शेतकरी संकटात सापडला आहे. त्याच्या निषेधार्थ अमरावतीच्या चांदूरबाजारमध्ये प्रहार जनशक्ती पक्षाच्यावतीने आत्मक्लेश आंदोलन केले.

केंद्र सरकारच्या निर्यात धोरणाच्या निषेधार्थ प्रहार जनशक्‍ती पक्षाचे जिल्हाध्यक्ष मंगेश देशमुख यांच्या नेतृत्वात चांदूरबाजार येथील मुख्य रस्त्यावर गुरुवारी (ता.१९) हे आंदोलन करण्यात आले.

मुख्य रस्त्यावर संत्र्याचे क्रेट ठेवत यावेळी रस्त्याने जाणाऱ्यांना प्रतीकात्मक स्वरूपात संत्री विक्रीसाठी ठेवण्यात आली होती. त्यानंतर संत्रा फळांचे मोफत वाटप करून आत्मक्लेश आंदोलन करण्यात आले.

या आंदोलनात मंगेश देशमुख, सभापती राजेंद्र याऊल, रामदास भोजने, मंगेश अर्डक, गजेंद्र गायकी, प्रकाश सायंदे, मोहन भोंगाडे, अक्षय औतकर, सुनील मोहोड, प्रशांत सातपुते, सुमित शेळके, पुरुषोत्तम राऊत, रंगराव राऊत, प्रफुल्ल नवघरे, भीमराव हरणे, अविनाश बायस्कार, सुभाष मेश्राम, सुयोग मेश्राम, नीलेश कडू सहभागी झाले होते.