Parbhani News : वसंतराव नाईक मराठवाडा कृषी विद्यापीठातर्फे प्रत्येक महिन्याच्या दुसऱ्या बुधवारी माझा एक दिवस माझ्या बळिराजासाठी हा उपक्रम राबविला जात आहे. याअंतर्गत बुधवारी (ता. १२) कृषी विद्यापीठातील शास्त्रज्ञांनी मराठवाड्यातीलआठ जिल्ह्यांतील शेतकऱ्यांच्या बांधावर पोहोचले. शेतकऱ्यांशी संवाद साधला. पीकविषयक समस्यांचे निराकरण केले.
या उपक्रमामुळे शेतकऱ्यांना सद्यःस्थिती आवश्यक असलेले आणि विशेषतः कीड व रोग व्यवस्थापनासंदर्भात मार्गदर्शन मिळते. प्रत्यक्ष प्रश्‍नांवर तज्ज्ञांकडून सखोल चर्चा होते. या चर्चेचा लाभ घेऊन शेतकरी पिकांचे उत्पादन वाढवू शकतील असा विश्‍वास कुलगुरू डॉ. इंद्र मणी मिश्रा यांनी व्यक्त केला.
या उपक्रमांतर्गत संशोधन संचालक डॉ. खिजर बेग, सेंद्रिय शेती संशोधन प्रकल्पाचे मुख्य संशोधक डॉ. आनंद गोरे यांनी सीताराम देशमुख यांची अंजीर बाग, रोपवाटिकेस भेट देऊन माहिती दिली. सायाळा (ता. परभणी) येथील विठ्ठलराव खटिंग यांच्या शेतातील गहू, टॉमेटो, वांगी, लसूण, कांदा आदी पिकांची पाहणी केली. डॉ. बेग म्हणाले, की शेतकऱ्यांनी विद्यापीठाचे वाण वापरावेत. गट शेतीच्या माध्यमातून बीजोत्पादन कार्यक्रम राबवावा. या वेळी भारत खटिंग, अर्जुनराव देशमुख, सय्यद सिराज उपस्थित होते. विस्तार शिक्षण संचालक डॉ. गिरिधारी वाघमारे यांनी नरंगळ, खानापूर, सुजैतपूर (ता. देगलूर, जि. नांदेड) येथे किसान गोष्टी कार्यक्रमात शेतकऱ्यांच्या समस्या जाणून घेतल्या.
या वेळी डॉ. आनंद नरंगलकर, डॉ. डी. एन. गोखले, डॉ. पी. एस. नेहरकर, डॉ. पी. आर. झवर, डॉ. पी. आर. देशमुख, प्रा. अरुण गुट्टे, तालुका कृषी अधिकारी नरनाळीकर, आर. एस. साळवे आदी उपस्थित होते.
विद्यापीठ अंतर्गंत अखिल भारतीय समन्वित एकात्मिक शेती पद्धती कार्यालय, छत्रपती संभाजीनगर, तुळजापूर, बदनापूर, खामगाव येथील कृषी विज्ञान केंद्र, परभणी, छत्रपती संभाजीनगर, अंबाजोगाई, लातूर येथील विभागीय कृषी विस्तार शिक्षण केंद्र, नांदेड येथील केळी संशोधन केंद्र, लातूर येथील गळीत धान्य संशोधन केंद्र, परभणी येथील सामुदायिक विज्ञान महाविद्यालय या ठिकाणच्या शास्त्रज्ञांच्या चामुद्वारे मराठवाड्यातील विविध ठिकाणी जाऊन शेतकऱ्यांच्या भेटी घेतल्या.
प्रक्षेत्र भेटी देवून मार्गदर्शन केले. त्यात डॉ. सूर्यकांत पवार, डॉ. वसंत सूर्यवंशी, डॉ. गजानन गडदे, डॉ. मोहन धुप्पे, डॉ. शिवाजी शिंदे, डॉ. दिगंबर पटाईत, डॉ. हनुमान गरुड, डॉ. वर्षा मारवाळीकर, डॉ. नितीन पतंगे, डॉ. सोमवंशी, डॉ. सुदाम शिराळे, डॉ. दीप्ती पाटगावकर, प्रा. ए. के. घोटमुकुळे, प्रा. के. डी. दहीफळे, मधुकर मांडगे आदींचा समावेश होता.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.