Chh, Sambhajinagar News : मराठवाड्यातील छत्रपती संभाजीनगर, जालना व बीड या तीन जिल्ह्यांतील २१० मंडलांपैकी १५८ मंडलांत बुधवारी (ता. ९) सकाळपर्यंतच्या २४ तासांत तुरळक हलका पाऊस झाला. शिवाय सर्व दूर ढगाळ वातावरण होते.
छत्रपती संभाजीनगर जिल्ह्यातील ८५ पैकी ८१ मंडलांत तुरळक ते हलक्या पावसाची हजेरी लागली. पैठणमधील दोन, गंगापूरमधील तीन, वैजापूरमधील एक मिळून सहा मंडलांत १०.३ ते २१.३ मिलिमीटर दरम्यान पाऊस झाला.
यामध्ये तुर्काबाद मंडलात २१.३ मिलीमीटर, वाळूजमध्ये १३.५, आसेगावमध्ये १०.३, लाडगावमध्ये १३ मिलिमीटर, पिंपळवाडीमध्ये १२ तर लोहगावमध्ये १३ मिलिमीटर पाऊस झाला. हा अपवाद वगळता इतर मंडलांमध्ये दहा मिलिमीटरच्या आतच पाऊस झाला. चार मंडलांत पावसाची हजेरी लागलीच नाही.
जालना जिल्ह्यातील ४९ पैकी ४३ मंडलांत तुरळक हलका पाऊस झाला. तर सहा मंडलांत पावसाची हजेरी लागलीच नाही. भोकरदन तालुक्यातील अनवा मंडलात १०.३ मिलिमीटर, तर जाफराबाद तालुक्यातील वरूड मंडलात १३ मिलिमीटर झालेला पाऊस सर्वाधिक राहिला.
बीड जिल्ह्यात ७६ पैकी केवळ ३४ मंडलांत तुरळक पाऊस झाला ४२ मंडलांत पावसाची हजेरी लागलीच नाही. बहुतांश भागात पावसाची हजेरी लागली नसली तरी ढगाळ वातावरण मात्र कायम होते.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.