Buldana News : बुलडाणा : ‘‘प्रतिकूल काळात व प्रचंड सामाजिक विरोध पत्करून स्त्री शिक्षण व सक्षमीकरणासाठी संपूर्ण आयुष्यभर संघर्ष करणारे महात्मा ज्योतिबा फुले आणि सावित्रीबाई फुले यांचा जीवन संघर्ष ‘सत्यशोधक’ चित्रपटातून साकारला आहे.
हा चित्रपट ५ जानेवारीला प्रदर्शित होणार आहे. यातून सामाजिक, शैक्षणिक क्षेत्रासह त्यांचे मानवी जीवनासाठी लाभलेले योगदान मांडण्याचा प्रयत्न केला आहे,’’ अशी माहिती ‘सत्यशोधक’ चित्रपटाचे निर्माते सुनील शेळके यांनी दिली.
बुधवारी (ता. २७) आयोजित घेतलेल्या पत्रकार परिषदेत त्यांनी या बाबत माहिती दिली. ५ जानेवारीला एकाच वेळी १२० चित्रपटगृहात हा चित्रपट प्रदर्शित होत आहे.
महात्मा फुले यांची भूमिका साकारणारे अभिनेते संदीप कुळकर्णी यांच्यासह सामाजिक कार्यकर्ते दामोदर बिडवे, माधव हुडेकर या वेळी उपस्थित होते.
महामानवांच्या जीवनावर आधारित या चित्रपटाने प्रदर्शनापूर्वीच उत्सुकता निर्माण केली आहे. संदीप कुळकर्णी महात्मा फुले, तर राजश्री देशपांडे या सावित्रीबाई यांच्या भूमिकेत आहेत. रवींद्र मंकणी, गणेश यादव, सुरेश विश्‍वकर्मा हे देखील कलावंत यात आहेत.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.