Karad News: उत्पादन घटले असले तरी व्हॅलेंटाइन डे आणि लग्नसराईच्या पार्श्वभूमीवर वाढलेल्या मागणीमुळे गुलाबाला विक्रमी दर मिळत असल्याने शेतकऱ्यांच्या आयुष्यात रंग भरत आहे. एका फुलाला २० ते २५ रुपयांचा उच्चांकी दर मिळत असल्याने बळीराजाच्या कष्टाला फुलांनी मोठीच किंमत आणली आहे. .सातारा जिल्ह्यातील कऱ्हाड, पाटण, फलटण, खटाव आणि आसपासच्या भागात पॉलिहाऊस, खुल्या शेतीत गुलाबाची लागवड मोठ्या प्रमाणात केली जाते. यावर्षी सततच्या पावसामुळे खुल्या क्षेत्रातील पिकांचे मोठे नुकसान झाले. अनेक ठिकाणी फुले गळून पडली, तर काही ठिकाणी रोगांचा प्रादुर्भाव झाल्याने उत्पादन घटले. त्यामुळे बाजारात पुरवठा कमी झाला आहे..Rose Farming: मुंबई ते दिल्ली बाजारपेठेत गोवर्धने यांच्या गुलाबाचा दरवळ.पॉलिहाऊसमधील उत्पादन तुलनेने सुरक्षित राहिले असले तरी वातावरणातील आर्द्रतेमुळे तेथेही उत्पादनावर काही प्रमाणात परिणाम झाला. त्यामुळे एकूण उत्पादनात घट झाली. याच पार्श्वभूमीवर सध्या उपलब्ध असलेल्या फुलांना चांगला दर मिळत आहे. यापूर्वी साधारणपणे प्रति फूल ५ ते १० रुपयांच्या दराने विक्री होत होती..यंदा मात्र दरात दुपटीहून अधिक वाढ झाल्याने गुलाब उत्पादक शेतकऱ्यांमध्ये समाधानाचे वातावरण आहे. वातावरणीय बदलामुळे उत्पादन घटले असले तरी वाढलेल्या दरांमुळे सातारा जिल्ह्यातील गुलाब उत्पादक शेतकऱ्यांसाठी यंदाचा हंगाम ‘अच्छे दिन’ घेऊन आला असल्याचे चित्र आहे..Rose Demand: गुलाबाची ‘काटेरी’ वाट....या गुलाबांना मागणीबाजारपेठेत गडद लाल रंग, लांब दांडी आणि हिरवी पाने असलेल्या टॉप सिक्रेट व बोर्डेक्स या वाणांना मोठी मागणी आहे. लाल फुलांसह पिवळा सोलर, सफेद ॲव्हालांचे, गुलाबी हॉटशॉट व रिवायवल आणि गुलाबी पांढरा ज्युमेलिया या वाणांच्या फुलांना मोठी मागणी सध्या होत आहे. फुलांची काढणी करुन शेतकरी थेट बाजारपेठेत फुले देत आहेत. त्या फुलांना सध्या २० ते २५ रुपयांचा दर मिळत आहे. त्यामुळे शेतकऱ्यांत समाधानाचे वातावरण आहे..यंदा गुलाबाच्या फुलांना मागणी जास्त आणि फुले कमी असल्याने पहिल्यांदाच गुलाबाच्या फुलाला चांगला दर मिळत आहे. हा दर कायम राहिल्यास त्यासाठी घातलेला खर्च निघून चार पैसे चांगले शिल्लक राहतील.- दादासाहेब बोधे, गुलाब उत्पादक, शेतकरी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
