Sangli News: सांगली जिल्हा बॅँकेच्या कारभार होत असलेले घोटाळे वेळीच लक्षात यावे, त्यावर योग्य कारवाई व्हावी, यासाठी बॅँकेने आता ‘व्हिसल ब्लोअर’ धोरण लागू केले आहे. याअंतर्गत बॅँकेतील गैरकारभाराची माहिती कळविल्यास संबंधित तक्रारदारास एक हजार ते जास्तीत जास्त दहा हजार रुपयांपर्यंत बक्षीस दिले जाणार आहे.
माहिती देणाऱ्यांचे नाव व ओळख पूर्णपणे गोपनीय ठेवण्यात येणार आहे, अशी माहिती बॅंकेचे मुख्य कार्यकारी अधिकारी शिवाजीराव वाघ यांनी दिली.
जिल्हा बॅँकेत काही दिवसांपासून अधिकारी-कर्मचाऱ्यांकडून झालेल्या गैर कारभाराच्या काही घटना उघडकीस आल्या आहेत. यामध्ये शासनाच्या अनुदानापासून ते खातेदारांच्या पैशांवर डल्ला मारल्याचे प्रकार घडले आहेत. या प्रकरणी बॅँकेने तत्काळ कारवाई करत अपहाराची रक्कम काही प्रमाणात वसूल केली तसेच गैरकारभार करणाऱ्या कर्मचाऱ्यांवरही कारवाई केली.
बॅँकेत ठेवलेल्या सोने तारणातही यापूर्वी गैरकारभार झाल्याचे उघड झाले होते. या पार्श्‍वभूमीवर आता जिल्हा बॅँकेच्या कर्मचाऱ्यांवर, त्यांच्या कारभारावर सामान्य नागरिक, खातेदार वॉच ठेवू शकणार आहेत.
बँकेच्या कोणत्याही शाखेत कसल्याही प्रकारचा अपहार, धोरणबाह्य कामकाज व अन्य प्रकारांचा कोणताही गैरकारभार होत असेल, तर याची माहिती, तक्रार बॅँकेच्या सांगलीतील मुख्यालयात अथवा बॅँकेच्या मेलवर करता येणार आहे.
या तक्रारीची खातरजमा करून यात तथ्य आढळल्यास संबंधित कर्मचाऱ्यांकडून होत असलेल्या गैरकारभार किती रकमेचा व मोठा आहे, त्यांचे स्वरूप काय आहे. यावर माहिती देणाऱ्यास एक हजारांपासून दहा हजार रुपयांपर्यंतचे बक्षीस देण्यात येणार आहे. हे सर्व कामकाज पाहण्यासाठी एक स्वतंत्र अधिकारी नियुक्त करण्यात येईल, ही माहिती मुख्य कार्यकारी अधिकारी शिवाजीराव वाघ यांनी दिली.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.