![Rain Update](http://media.assettype.com/agrowon%2F2023-11%2F28137899-6ec4-495b-94f7-6a326cd1ba42%2FNews_Story___2023_11_09T170652_447.png?w=480&auto=format%2Ccompress&fit=max)
Chhatarapati Sambhajinagar News : मराठवाड्यातील बहुतांश भागात गुरुवारी (ता. २९) सकाळपर्यंतच्या २४ तासात पावसाचा जोर कमी असल्याचे पाहायला मिळाले. छत्रपती संभाजीनगर, जालना, बीड, लातूर, धाराशिव या पाचही जिल्ह्यातील अनेक मंडलात गुरुवारी सकाळपर्यंतच्या २४ तासात पावसाची हजेरी मात्र कायम होती.
गत तीन-चार दिवसांपासून मराठवाड्यातील अनेक भागात कमी अधिक प्रमाणात पावसाची हजेरी कायम आहे. गुरुवारी सकाळपर्यंतच्या २४ तासांत छत्रपती संभाजीनगर जिल्ह्यातील ७१ मंडलात पावसाची तुरळक, हलकी तर काही मंडलात मध्यम हजेरी लागली.
जालना जिल्ह्यातील ३५ मंडलात पावसाची हजेरी लागली. भोकरदनमध्ये ८, जाफराबादमध्ये २, जालन्यात २, अंबडमधील ७, परतुरमधील २, बदनापूरमधील ५, घनसावंगीतील ७ तर मंठ्यातील दोन मंडलात तुरळक हलका पाऊस झाला.
बीडमधील ४४ मंडलात पावसाची हजेरी लागली. त्यामध्ये बीड तालुक्यातील ११, पाटोद्यातील चार, आष्टीतील सात, गेवराईतील १०, माजलगावमधील तीन, अंबाजोगाईतील एक, केजमधील तीन, परळीतील एक वडवणीतील एक व शिरूर कासार मधील तीन मंडलांचा समावेश आहे.
पाटोदा,आष्टी, बीड व शिरूर कासार तालुक्यात पावसाचा जोर थोडा अधिक होता. लातूर जिल्ह्यातील २५ मंडलात तुरळक, हलका, मध्यम पाऊस झाला. त्यामध्ये लातूर तालुक्यातील सात, अहमदपूरमधील चार, उदगीरमधील पाच, चाकूरमधील सहा, रेणापूरमधील दोन, देवणीतील एका मंडलाचा समावेश आहे.
धाराशिव जिल्ह्यातील १५ मंडलात पावसाची हजेरी लागली त्यामध्ये धाराशिव तालुक्यातील दोन, परांडातील पाच, भूममधील पाच, व वाशीतील तीन मंडलांचा समावेश आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.