Dam Water Storage : प्रकल्पांतील उपयुक्त साठा पोहोचला २८.४८ टक्क्यांवर

Jalna News : मागील दोन आठवड्यांत जिल्ह्यात जोरदार पाऊस झाल्याने मध्यम व लघू प्रकल्पांमध्ये पाण्याची मोठी आवक झाली. जिल्ह्यातील सात मध्यम व २७ लघू प्रकल्पांमध्ये मागील आठवड्यामधील १२ टक्क्यांवरील पाणीसाठा या आठवड्यात २८.४८ टक्क्यांवर गेला आहे.

जून महिन्यामध्ये पावसाने पाठ फिरवली होती. मात्र, जुलै महिन्याच्या तिसऱ्या आठवड्यात जिल्ह्यात पावसाने जोरदार हजेरी लावली. त्यामुळे जिल्ह्यातील प्रकल्पांमध्ये पाण्याची आवक झाली आहे.

जिल्ह्यात सात मध्यम आणि ५७ लघू प्रकल्प असून मागील आठवड्यात या प्रकल्पांमध्ये केवळ १२ टक्के उपयुक्त पाणीसाठा होता. परंतु, जोरदार पाऊस झाल्यानंतर मध्यम व लघू प्रकल्पांमध्ये पाणीसाठ्यात वाढ झाली आहे.

सात मध्यम प्रकल्पांमधील सध्या २४.५९ टक्के पाणीसाठा झाला आहे. तर, ५७ लघू प्रकल्पांमध्ये सध्या २९.४८ टक्के उपयुक्त पाणीसाठा आहे. दरम्यान, सध्या एक लघू प्रकल्प कोरडा आहे. तर, एक मध्यम व १७ लघू प्रकल्पांची पाणी पातळी जोत्याखाली आहे. तर, २५ टक्क्यांपर्यंत चार मध्यम व १५ लघू प्रकल्पांची पाणी पातळी आहेत.

मध्यम प्रकल्पातील पाणीसाठा

प्रकल्प पाणीसाठा (टक्केवारी)

अपर दुधना (ता.बदनापूर) ३७.१४

कल्याण गिरिजा (ता.जालना) २३.३४

कल्याण मध्यम (ता.जालना) ०.००

जुई मध्यम (ता.भोकरदन) १४.३०

धामना मध्यम (ता.भोकरदन) १३.६७

जिवरेखा मध्यम (ता.जाफराबाद) २१.७६

गल्हाटी मध्यम (ता.अंबड) ४६.५०

एकूण २४.५९ टक्के