Ratndip Guava Variety : ‘रत्नदिप’ पेरू जातीला स्वामित्व हक्क प्राप्त

Baramati KVK : अॅग्रीकल्चरल डेव्हलपमेंट ट्रस्ट, बारामती संचालित कृषी विज्ञान केंद्रातील तज्ज्ञांनी ‘रत्नदिप’ ही पेरूची नवीन जात विकसित केली आहे.
Ratndip Guava Variety
Ratndip Guava VarietyAgrowon
Published on
Updated on

Pune News : अॅग्रीकल्चरल डेव्हलपमेंट ट्रस्ट, बारामती संचालित कृषी विज्ञान केंद्रातील तज्ज्ञांनी ‘रत्नदिप’ ही पेरूची नवीन जात विकसित केली आहे. या जातीला पीक वाण संरक्षण व शेतकरी हक्क कायदा कलम २००१ अंतर्गत स्वामित्व हक्क (पेटंट) मिळाला आहे.

केंद्रीय कृषी व शेतकरी कल्याण मंत्रालयांतर्गत यासंबंधीचे नोंदणी प्रमाणपत्र कृषी विज्ञान केंद्राला मिळाले आहे. अशा प्रकारचे प्रमाणपत्र मिळालेले भारतातील देशातील हे पहिले कृषी विज्ञान केंद्र आहे.

('ॲग्रोवन'चं व्हॉट्सअ‍ॅप चॅनल जॉईन करण्यासाठी येथे क्लिक करा)

केंद्रीय समशीतोष्ण फलोत्पादन संस्था, लखनऊ येथून आणलेल्या पेरूच्या ‘ललित’ या जातीमधून निवड पद्धतीने रत्नदिप ही जात विकसित करण्यात आली आहे, अशी माहिती कृषी विज्ञान केंद्रातील विषय विशेषज्ञ (उद्यानविद्या) यशवंत जगदाळे यांनी दिली.

Ratndip Guava Variety
Guava Farming : मोहोळमधील शेतकरी वळतोय पेरू शेतीकडे

ते म्हणाले, की २०१० पासून कृषी विज्ञान केंद्रामध्ये ‘रत्नदिप’ या जातीच्या निर्मितीचे संशोधन सुरू आहे. स्वामित्व हक्क प्रमाणपत्रामुळे या जातीवर बारामती कृषी विज्ञान केंद्राचा अधिकार असणार आहे. या जातीचे कलम तयार करणे आणि विक्री करणे यांचे सर्व अधिकार केंद्राकडे राहणार आहेत.

Ratndip Guava Variety
Taiwan Guava : तैवान पेरूची लागवड कशी करावी?

अॅग्रीकल्चरल डेव्हलपमेंट ट्रस्टचे प्रमुख राजेंद्र पवार, विश्वस्त विष्णुपंत हिंगणे, मुख्य कार्यकारी अधिकारी नीलेश नलावडे, कृषी विज्ञान केंद्राचे प्रमुख डॉ. धीरज शिंदे यांनी या संशोधनाबद्दल उद्यानविद्या विभागातील विषय विशेषज्ञ यशवंत जगदाळे यांच्यासह सर्व सहकाऱ्यांचे अभिनंदन केले आहे.

रत्नदिप पेरूची वैशिष्टे

१) गराचा रंग गुलाबी लाल, गराचा चांगला सुगंध.

२) फुलांचे फळामध्ये रूपांतरण होण्यास इतर जातींपेक्षा कमी कालावधी. (१०० ते १२० दिवस)

३)फळामध्ये बियांचे प्रमाण कमी, बिया मऊ आहेत.

४) गराचे प्रमाण जास्त असल्यामुळे प्रक्रिया उद्योगासाठी चांगली मागणी.

५) मृग बहरमध्ये चांगले उत्पादन देण्याची क्षमता.

६) प्रती एकरी १० ते १२ टन उत्पादन. फळांचे सरासरी वजन २५० ते ३०० ग्रॅम.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon - Agriculture News
agrowon.esakal.com