Potato Crop : सातगाव पठार परिसरामधील बटाटा पीक फुलोऱ्यात

Manchar News : सातगाव पठार (ता.आंबेगाव) परिसरात खरीप हंगामात पाच हजार एकरांहून अधिक क्षेत्रात शेतकऱ्यांनी बटाटा लागवड केली आहे. सोमवारपासून (ता. ५) पावसाने उघडीप घेतली आहे. बटाटा पिकाची जोमदार वाढ सुरू झाली आहे. फुलोऱ्यात आलेल्या पिकाला किडीचा प्रादुर्भाव होऊ नये म्हणून फवारणीची कामे वेगात सुरू झाली आहेत.

राज्यात सर्वाधिक बटाट्याची लागवड सातगाव पठार भागातील पेठ, पारगाव, कोल्हारवाडी, कुरवंडी, थुगाव, भावडी, कारेगाव व खेड तालुक्यातील वाफगाव, वरुडे, जऊळके गावांत केली जाते. फुलोऱ्यात आलेल्या पिकाला सद्यःस्थितीत

किडीचा प्रादुर्भाव होण्याचा धोका आहे. त्यामुळे प्रतिबंधात्मक उपाय म्हणून फवारणीचे काम सुरू केले आहे, अशी माहिती भावडीतील शेतकरी सोपान नवले यांनी दिली.