Akoal News: देशातील शेतकरी आर्थिकदृष्ट्या सक्षम व्हावेत, शेती व्यवसाय शाश्वत व्हावा यासाठी देशपातळीवरील कृषी विज्ञान केंद्रांचे कार्य सुरू असून, त्याचे सकारात्मक परिणाम दिसून येत आहेत, असे मत भारतीय कृषी संशोधन परिषदेच्या कृषी तंत्रज्ञान अनुप्रयोग संशोधन संस्थेच्या झोन आठचे संचालक डॉ. सब्रतोकुमार रॉय यांनी व्यक्त केले..डॉ. पंजाबराव देशमुख कृषी विद्यापीठांतर्गत विदर्भातील ११ जिल्ह्यांत कार्यरत १५ कृषी विज्ञान केंद्रांचा वार्षिक कृती आराखडा नुकताच विद्यापीठात सादर केला गेला. उद्घाटन प्रसंगी डॉ. रॉय आभासी पद्धतीने उपस्थित होते, तर विद्यापीठाचे कुलगुरू डॉ. शरद गडाख अध्यक्षस्थानी होते..Krishi Vigyan Kendra: कृषी विज्ञान केंद्राच्या सल्ल्याने शेती करणे फायद्याचे; तुबाकले.कार्यक्रमात शिक्षण विस्तार संचालक डॉ. धनराज उंदीरवाडे, कृषी अभियांत्रिकी अधिष्ठाता डॉ. सुरेंद्र काळबांडे, सहयोगी अधिष्ठाता डॉ. शैलेश हरणे, विभाग प्रमुख डॉ. नितीन कोष्टी, डॉ. निशांत शेंडे, डॉ. अनिता चोरे, डॉ. जयंत देशमुख, मुख्य विस्तार शिक्षण अधिकारी डॉ. उमेश चिंचमलातपुरे तसेच कृषी विज्ञान केंद्राचे प्रमुख व विषय तज्ज्ञ उपस्थित होते..अध्यक्षीय मनोगतात डॉ. गडाख यांनी ‘मॉडेल व्हिलेज’ संकल्पनेवर प्रकाश टाकला. विद्यापीठ व विविध शासकीय, सहकारी आणि आर्थिक विभागांच्या सहकार्याने ही संकल्पना आदर्श ठरल्याचे सांगितले. मागील तीन वर्षांत निवडलेल्या गावांमध्ये कृषी तंत्रज्ञानाचा प्रसार यशस्वी झाला असून, शेतकऱ्यांच्या उत्पादनात वाढ दिसून आली आहे. नानाजी देशमुख कृषी संजीवनी प्रकल्पाद्वारे प्रत्येक तालुक्यातील अशा ११८ गावांची निवड केली असून, नव्याने निवडलेल्या गावांमध्येही योजना प्रभावीपणे राबविण्याची सूचना केली..कार्यक्रमात १५ कृषी विज्ञान केंद्रांतील शास्त्रज्ञांनी वार्षिक कृती आराखडा, प्रात्यक्षिके, प्रशिक्षण व पुढील वर्षांच्या चाचणी प्रयोगांचे सादरीकरण केले. डॉ. उंदीरवाडे यांनीही मार्गदर्शन केले. तर प्रा. संजीवकुमार सलामे यांनी सूत्रसंचालन करीत आभार मानले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
