Nashik News : गुंजाळनगर (ता. देवळा) येथील पोलिस पाटील व प्रगतिशील शेतकरी योगेश गुंजाळ यांच्या डाळिंब बागेतून रविवारी (ता. २७) रात्रीच्या सुमारास चोरट्यांनी डाळिंब फळांची चोरी केली असून याप्रकरणी देवळा पोलिसांत तक्रार दाखल करण्यात आली आहे.
शेतकरी योगेश गुंजाळ यांनी आपल्या साडेतीन एकर क्षेत्रात डाळींबाची तेराशे झाडांची लागवड केली असून झाडांना चांगला बहर आला आहे. फळबागेत गुंजाळ यांनी सीसीटीव्ही कॅमेरे देखील बसवले आहेत.
रविवारी (ता. २७) रात्रीच्या सुमारास चोरट्यांनी या बागेतून जवळपास शंभर झाडांवरील डाळिंब चोरून नेल्याची घटना घडली. यामुळे गुंजाळ यांचे एक लाख रुपयांचे नुकसान झाले आहे. डाळिंब चोरी करत असताना बागेत बसवलेला कॅमेरा सायरन वाजल्याने गोणीत भरून तोडून ठेवलेला काही माल बागेत टाकून चोरटे पळून गेले.
डाबाच्या वाढत्या चोऱ्यांना कंटाळून शेतकऱ्यांकडून लोखंडी व लाकडी माळे करून राखण केली जात आहे. डाळिंबाला १२० ते १५० रुपये प्रतिकिलो भाव आहे. काही शेतकऱ्यांनी सीसीटीव्ही कॅमेरे बसवले आहेत. चोरीच्या घटनेने शेतकरी भयभीत झाले असून पोलिसांनी चोरट्यांचा बंदोबस्त करावा, अशी मागणी करण्यात आली आहे.
ॲग्रोवनचे सदस्य व्हा
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.