Pune News : दि महाराष्ट्र राज्य सहकारी बँक असोसिएशन यांच्यामार्फत २६ वा वार्षिक पारितोषिक वितरण समारंभ मुंबई येथे बुधवारी (ता. २३) झाला. या समारंभामध्ये पुणे जिल्हा मध्यवर्ती सहकारी बँकेस कै. वैकुंठभाई मेहता उत्कृष्ट जिल्हा मध्यवर्ती सहकारी बँक या पुरस्काराने सन्मानित करण्यात आले.
या वेळी बँकेचे अध्यक्ष प्रा. डॉ. दिगंबर दुर्गाडे, उपाध्यक्ष सुनील चांदेरे, तज्ज्ञ संचालक सुरेश घुले, प्रवीण शिंदे, संभाजी होळकर, रणजित तावरे, मुख्य कार्यकारी अधिकारी अनिरुद्ध देसाई आदी उपस्थित होते. या बँकेला ‘नाबार्ड’नेही नुकतेच उत्कृष्ट जिल्हा बँक म्हणून गौरविलेले असून यापूर्वीही महाराष्ट्र शासन व विविध संस्थांमार्फत दिल्या जाणाऱ्या अनेक पुरस्कारांनी पुणे जिल्हा बँकेस सन्मानित करण्यात आलेले आहे.
देशातील जिल्हा मध्यवर्ती सहकारी बँकांमध्ये प्रथम क्रमांकाची व्यावसायिक उलाढाल असणारी ही बँक आहे. तसेच पहिल्या पाच क्रमांकामध्ये असणाऱ्या अर्बन शेड्यूल्ड सहकारी बँकेची तुलना करता पुणे जिल्हा बँकेने अग्रगण्य स्थान प्राप्त केलेले आहे.
उपमुख्यमंत्री अजित पवार यांच्या नेतृत्व व मार्गदर्शनाखाली बँकेने ठेवी, कर्ज, व्यावसायिक उलाढाल, वसुली, स्वनिधी, नफा, नेटवर्थ, एन.पी.ए., सी.डी. रेशो या सर्व बाबींमध्ये ऐतिहासिक अशी कामगिरी केलेली आहे.
तसेच बँकेचे सर्व संचालक मंडळ, वरिष्ठ अधिकारी व कर्मचारी यांचेही यामध्ये मोठे योगदान आहे. मार्च २०२५ अखेर बँकेची एकूण उलाढाल २६,८२५.८६ कोटी रुपयांची असून बँकेच्या एकूण ठेवी १४,७६६.८४ कोटींच्या आहेत. तसेच बँकेने २९४ शाखांमार्फत १२,०५९.०३ कोटींचे विविध प्रकारचे कर्ज वितरणही केले आहे. मार्चअखेर बँकेस ४३९.६१ कोटींचा ढोबळ नफा झालेला असून ७५.७५ कोटी रुपयांचा निव्वळ नफा झालेला आहे.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.