Pune News : आंबेगाव तालुक्याच्या पूर्वभागातून जाणाऱ्या प्रस्तावित पुणे- नाशिक औद्योगिक द्रुतगती महामार्गाकरिता (राज्य महामार्ग विशेष क्रमांक ११) राज्य सरकारच्या सार्वजनिक बांधकाम विभागाने जमीन संपादनासाठी अधिसूचना काढण्यात आली आहे. परंतु या भागातील जमिनीचा रेडीरेकेनर दर कमी असल्याने महामार्ग जात असलेल्या गावातील शेतकऱ्यांना अत्यंत कमी रक्कम मिळणार आहे.
त्यामुळे संबंधित गावातील शेतकऱ्यांमध्ये नाराजी पसरली असून, शासनाने रेडीरेकनरच दर वाढवल्याशिवाय आम्ही आमची जमीन संपादन करू देणार नसल्याचा पवित्रा परिसरातील शेतकऱ्यांनी घेतला आहे.
याबाबत ८ मार्च २०२४ रोजी अधिसूचना काढली आहे. त्यामध्ये भूसंपादन करण्यासाठी खेड तालुक्यासाठी उपविभागीय अधिकारी खेड, शिरूर तालुक्यासाठी उपविभागीय अधिकारी पुणे शहर-शिरूर व आंबेगाव- जुन्नर तालुक्यासाठी उपविभागीय अधिकारी आंबेगाव- जुन्नर यांची भूसंपादन अधिकारी म्हणून नियुक्ती केली आहे.
हा द्रुतगती महामार्ग आंबेगाव तालुक्याच्या पूर्वभागातील लोणी, धामणी, खडकवाडी, पोंदेवाडी, काठापूर बुद्रुक, शिंगवे व भागडी या गावांतून जात आहे. या गावातील भूसंपादन करण्यात येणाऱ्या क्षेत्राचे गट नंबर व संपादित करण्यात येणारे क्षेत्र याची माहिती अधिसूचनेद्वारे दिली आहे.
या भागातील जमिनीचा रेडीरेकनर दर हा कमी असल्याने शेतकऱ्यांना प्रत्यक्ष बाजारभावापेक्षा अत्यंत कमी रक्कम मिळणार असल्याने संबंधित गावातील शेतकऱ्यांमध्ये नाराजी पसरली असून, शासनाने रेडीरेकनरच दर वाढविल्याशिवाय आम्ही आमची जमीन संपादन करू देणार नसल्याचा पवित्रा परिसरातील शेतकऱ्यांनी घेतला आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.