Nashik News : ओतूर धरणाच्या विशेष दुरुस्तीच्या कामासाठी आमदार नितीन पवार हे सातत्याने आग्रही असून त्यांचा माझ्याकडे सातत्याने पाठपुरावा सुरू आहे. माजी आमदार स्व.ए. टी. पवार यांनी ओतूर धरणाचे पाहिलेले स्वप्न त्यांना पूर्ण करायचे आहे.
त्यामुळे ओतूर धरणाचा प्रश्न मी मार्गी लावणार आणि निधी उपलब्ध करणार, अशी ग्वाही उपमुख्यमंत्री अजित पवार यांनी दिली.
ओतूर लघुपाटबंधारे प्रकल्पामधून मोठ्या प्रमाणावरील पाणीगळती थांबविण्याचे काम तातडीने पूर्ण करावे या मागणीसाठी ओतूर परिसरातील शेतकऱ्यांच्या शिष्टमंडळाने आमदार पवार यांच्या उपस्थितीत उपमुख्यमंत्री पवार यांची भेट घेऊन या प्रकल्पाच्या प्रश्नाकडे लक्ष वेधले.
उपमुख्यमंत्री पवार यांनी शिष्टमंडळाच्या समस्या जाणून घेतल्या. सुधारित प्रशासकीय मान्यतेचा प्रस्ताव जलसंपदा विभागाकडून नियोजन विभागाकडे दाखल झाला असून नियोजन विभागाकडून वित्त विभागाकडे जाणार आहे. तुम्ही कुणाच्याही भूलथापांना बळी पडू नका, ओतूर धरणाचा प्रश्न मार्गी लावणार असल्याचे उपमुख्यमंत्री म्हणाले.
ओतूर व परिसरातील १४ ते १५ गावांसाठी महत्त्वपूर्ण असलेल्या ओतूर येथील जुन्या लघुपाटबंधारे प्रकल्पामधून मोठ्या प्रमाणात पाण्याची गळती होत असून या प्रकल्पाचा पाणीसाठा दीड ते दोन महिन्यांतच संपतो.
त्यामुळे सिंचनासाठी या प्रकल्पाचा उपयोग होत नाही. पाणीगळती थांबविण्यासाठी उपाययोजना करावी, प्रकल्पाच्या दुरुस्ती कामासाठी निधी उपलब्ध करून द्यावा, अशी विनंती निवेदनात शेतकऱ्यांनी केली.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.