Solapur News : ‘‘आधुनिक तंत्रज्ञानाचा वापर करून पिकांचे उत्पादन वाढविण्यासाठी शेतकऱ्यांमध्ये स्पर्धात्मक वातावरण निर्मिती व्हावी. तसेच शेतकऱ्यांना मिळालेल्या उत्पादकतेबाबत प्रोत्साहन देण्यासाठी खरीप हंगामातील पीक उत्पादनासाठी स्पर्धेचे आयोजन करण्यात आले आहे. यामध्ये अधिकाधिक शेतकऱ्यांनी सहभाग घ्यावा,’’ असे आवाहन कृषी विभागाने केले आहे.
‘खरीप हंगाम २०२३’मध्ये मूग, उडीद, बाजरी, मका, सोयाबीन, नाचणी (रागी), भात, ज्वारी, ज्वारी, भुईमूग, सूर्यफूल या पिकांचा स्पर्धेमध्ये समावेश आहे. स्पर्धेत भाग घेण्यासाठी शेतकऱ्याकडे स्वतःच्या नावावर जमीन असणे व ती जमीन तो स्वतः कसत असणे आवश्यक आहे. तसेच शेतकऱ्यांकडे संबंधित पिकाखालील किमान ४० आर. (०.४० हेक्टर) सलग क्षेत्रावर लागवड असावी. तालुका पातळीवर सर्वसाधारण गटातील व आदिवासी गटातील स्पर्धकांचा सहभाग आवश्यक आहे. भाग घेण्यासाठी ३०० रुपये प्रतिशेतकरी प्रति पीक याप्रमाणे प्रवेश शुल्क आकारले जाईल.
एक शेतकरी एकापेक्षा अधिक पिकासाठी स्पर्धेत भाग घेऊ शकतात. ‘‘खरीप हंगामात उडीद व मूग पिकांसाठी स्पर्धेत अर्ज सादर करण्याचा अंतिम दिनांक ३१ जुलै २०२३ आहे. उर्वरित पिकांसाठी अर्ज सादर करण्याची अंतिम मुदत ३१ ऑगस्ट २०२३ आहे. अधिक माहितीसाठी तालुका कृषी अधिकारी कार्यालयाशी संपर्क साधावा,’’ असे आवाहन जिल्हा अधिक्षक कृषी अधिकारी दत्तात्रेय गावसाने यांनी केले.
तालुका पातळीवरील सर्वसाधारण व आदिवासी गटासाठी पहिले बक्षीस पाच हजार रुपये, दुसरे बक्षीस तीन हजार रुपये, तिसरे बक्षीस दोन हजार रुपये आहे. जिल्हा पातळीवर सर्वसाधारण व आदिवासी गटासाठी पहिले बक्षीस दहा हजार रुपये, दुसरे बक्षीस सात हजार रुपये, तिसरे बक्षीस पाच हजार रुपये आहे. राज्य पातळीवर सर्वसाधारण व आदिवासी गटासाठी पहिले बक्षीस ५० हजार रुपये, दुसरे बक्षीस ४० हजार रुपये आणि तिसरे बक्षीस ३० हजार रुपये आहे.
ॲग्रोवनचे सदस्य व्हा
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.