Nagpur News: जैविक अथवा सेंद्रिय शेती ही एका दिवसात घडणारी प्रक्रिया नसून त्यासाठी माती, पाणी व पर्यावरणीय घटकांचे सातत्याने संवर्धन करणे अत्यावश्यक आहे. राज्यातील अनेक शेतकरी पर्यावरणपूरक शेती पद्धतीकडे वळत असल्याचे चित्र समाधानकारक आहे, असे प्रतिपादन पद्मश्री पुरस्काराने सन्मानित सुभाष शर्मा यांनी केले..वसंतराव नाईक राज्य कृषी व्यवस्थापन व विस्तार संस्था (वनामती) येथे शुक्रवार (ता. २०) पासून आयोजित ‘बीजोत्सव’ या देशी बियाणे, सेंद्रिय शेतीमाल व शेतकरी संमेलनाच्या उद्घाटनप्रसंगी ते बोलत होते. यावेळी विभागीय कृषी सहसंचालक उमेश घाटगे, आत्मा प्रकल्प संचालक डॉ. अर्चना कडू, तसेच सीमाताई कुलकर्णी उपस्थित होते..Organic Farming: चांगल्या अन्नधान्यासाठी विषमुक्त शेती आवश्यक.श्री. शर्मा म्हणाले, की शेतीमध्ये रासायनिक घटकांचा वापर अलीकडील काळात मोठ्या प्रमाणात वाढला आहे. उत्पादन व उत्पन्न वाढविण्याच्या स्पर्धेत मानवी आरोग्य आणि मातीची सुपीकता याकडे दुर्लक्ष होत आहे. मातीचे आरोग्य जपल्याशिवाय भविष्यात टिकाऊ शेती शक्य नाही..Natural Farming: शेलगावच्या शेतकऱ्यांनी अनुभवले गोवंशाधारित नैसर्गिक शेती तंत्रज्ञान.यासाठी शेतकऱ्यांनी दीर्घकालीन दृष्टिकोन ठेवून सेंद्रिय पद्धती स्वीकारणे गरजेचे आहे. ते पुढे म्हणाले, कीड व रोग नियंत्रणासाठी नैसर्गिक उपायांना प्राधान्य द्यावे. शेतात पक्ष्यांचे आगमन वाढण्यासाठी बांधावर विविध वृक्षांची लागवड करणे आवश्यक आहे. तसेच पावसाचे पाणी शेतातच जिरविण्यासाठी जलसंवर्धनाच्या उपाययोजना राबविण्याची गरज त्यांनी अधोरेखित केली..‘बीजोत्सव’च्या माध्यमातून देशी व पारंपरिक बियाण्यांचे संवर्धन करण्यास चालना मिळत आहे. ही बियाणे कमी खर्चात व कमी देखभालीत उत्पादन देणारी असल्याने शाश्वत शेतीसाठी उपयुक्त ठरतात. अशा बियाण्यांचे जतन करणारे शेतकरी हे खऱ्या अर्थाने कृषी परंपरेचे रक्षक आहेत.उमेश घाटगे, विभागीय सहसंचालक, कृषी विभाग.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
