Jalgaon News : तहसील कार्यालयाने डिजिटल रेशनकार्ड’ (शिधापत्रिका) देणे सुरू केले आहे. आतापर्यंत ६० नवीन रेशनकार्डधारकांना ऑनलाइन डिजिटल कार्ड देण्यात आले. यापुढे आता नागरिक घरबसल्या रेशनकार्ड काढता येणार आहे. यासह सेतू केंद्र, सीएससी केंद्रात जाऊन ऑनलाइन अर्ज केल्यावर रेशनकार्ड त्यांना मिळेल.
यामुळे रेशनकार्डासाठी दलालांकडे जाण्याची किंवा तहसील कार्यालयात येण्याची गरज नसेल. तसेच नियमित शुल्काशिवाय अतिरिक्त पैसे देण्याची गरज नाही. यामुळे गोरगरिबांची दलालांकडून होणारी आर्थिक लूट थांबणार आहे. ऑनलाइन डिजिटल कार्डाची प्रिंट काढून ते आधारकार्डासारखे वापरता येणार आहे.
त्यावर संबंधित लाभार्थी कोणत्या प्रकारातील (बीपीएल, केशरी, पांढरे कार्ड) आहे. याची माहिती असेल. डिजिटल कार्डावरच त्या कुटुंबातील सदस्य संख्या, आधारकार्ड क्रमांक असेल. सध्या जळगाव शहरासह तालुक्यात रेशनकार्डधारकांची संख्या एक लाख २२ हजार ८५५ आहे; तर रेशन दुकाने २१४ आहे.
दलालांना चाप
तहसील कार्यालयात रेशनकार्ड काढून देण्यासाठी अनेक दलाल कार्यरत आहेत. ते लाभार्थ्यांकडून रेशनकार्ड काढून देण्यासाठी सुमारे पाचशे ते दोन हजार रुपये उकळतात. दलालांबाबत अनेकांनी तक्रारी केल्यावर तहसीलदार नामदेव पाटील यांनी पुढाकार घेत ऑनलाइन डिजिटल रेशनकार्ड देण्याची प्रक्रिया सुरू केली आहे. यामुळे दलालांना आता चाप बसणार असून, शासकीय शुल्कातच सर्वसामान्यांना रेशनकार्ड मिळेल.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.