Onion Harvesting : कांदा पीक जोमात; महिना अखेरीस काढणी शक्य

Dhule News : खानदेशात कांदा पीक जोमात आहे. काही भागांत पुढील पंधरवड्यात काढणी सुरू होईल. कांदा दर टिकून राहावेत, अशी अपेक्षा शेतकऱ्यांना आहे. कांदा लागवड नोव्हेंबर ते जानेवारीमध्ये झाली आहे. पीक सध्या जोमात आहे. त्यात या महिन्याच्या अखेरीस काढणी होईल, अशी स्थिती आहे.

नोव्हेंबरमध्येच शेतकरी कांदा लागवडीची तयारी करीत होते. त्यासाठी कांदा रोपवाटिका तयार केल्या होत्या. मध्यंतरी कांदा बियाणे दरवाढ सुरूच राहिली किंवा बियाणे अधिक दरात शेतकऱ्यांना घ्यावे लागेल, अशी स्थिती होती. परंतु कांदा लागवडीबाबत नियोजन सतत बदलले. काहींची लागवड कमी झाली.

कारण अन्य पिकांची लागवडही शेतकऱ्यांनी कांद्याऐवजी केली. काहींनी लागवड टाळली. अनेकांनी रोपवाटिका तयार केल्या. उशिराच्या लागवडीसाठी रोपवाटिकांमधील रोपे तगण्याची स्थिती चांगली किंवा समाधानकारक होती. काही भागांत या रोपवाटिका जोमात होत्या. चांगल्या पावसाने कांदा बियाणे बाजारातील तेजीही टिकली.

कारण लागवड नंतर वाढली. ग्रामीण भागात अनेक शेतकरी दर्जेदार बियाण्यांची विक्री करीत असल्याने त्याचा लाभ कांदा उत्पादकांना बियाणे खरेदीसंबधी झाला. बियाणे उगवणीशिवाय पैसे देऊ नका, अशी हमी घेऊनही काही शेतकरी बियाणे विक्री करीत होते. अनेक शेतकरी उशिराच्या उन्हाळ कांदा पिकाकडे वळत असल्याची स्थिती होती.

लागवडही वाढली आहे. सुरुवातीला प्रतिकूल वातावरण होते. उष्णतेमुळे बियाण्यांची उगवण व्यवस्थित होईल की नाही, अशी भीतीही होती. परंतु शेतकऱ्यांनी उत्तम व्यवस्थापन करून रोपवाटिकांमध्ये बियाण्यांची उगवणक्षमता टिकविली. पण डिसेंबरमधील पावसाने त्यातही नुकसान झाले. या महिन्याच्या अखेरीस कांदा काढणीवर येईल, अशी स्थिती काही भागांत आहे.

लागवड अधिक

खानदेशाच टप्प्याटप्प्याने कांदा लागवड झाली आहे. यंदाची लागवड सुमारे ३८ हजार हेक्टरपर्यंत आहे. जळगाव जिल्ह्यात १२, धुळ्यात २० आणि नंदुरबारमध्ये सुमारे सहा हजार हेक्टरवर कांदा पीक आहे. कांदा लागवड नोव्हेंबर ते जानेवारी या कालावधीत झाली आहे. लागवडीत यंदा चांगली वाढ झाली आहे. विविध कालावधीत लागवड झाल्याने आवकही विविध टप्प्यांत होईल. एकाच वेळी आवक वाढणार नाही, अशीही स्थिती सध्या आहे.