Chhatrapati Sambhajinagar: कृषी विभागाने जिल्ह्यातील २६ कृषी सेवा केंद्रांची तपासणी केली असता अनुदानित खताची ऑफलाईन पद्धतीने खतांची विक्री केली असल्याने झालेली विक्री व साठा यात तफावत आढळून आल्यामुळे त्यांच्यावर कारवाई करण्यात, आल्याची माहिती जिल्हा परिषदेचे कृषी विकास अधिकारी प्रकाश पाटील यांनी दिली.
शेतकऱ्यांनी देखील अनुदानित खते खरेदी करताना ऑनलाइन पद्धतीचा अवलंब करावा, असे आवाहन जिल्हा परिषदेचे कृषी विकास अधिकारी श्री पाटील तसेच जिल्हा अधीक्षक कृषी अधिकारी प्रकाश देशमुख यांनी केले आहे. ई-पॉस प्रणालीवर वरुन विक्री न केल्याने कृषी सेवा केंद्राच्या ई-पॉस प्रणालीवर जास्त खतसाठा तसेच प्रत्यक्ष कृषी केंद्रावर कमी खतसाठा अशी परिस्थिती निर्माण होते.
त्याचा परिणाम जिल्ह्याच्या खत पुरवठ्याच्या मागणीवर होतो. केंद्र शासनामार्फत करण्यात येणारा खत पुरवठा ई-पॉस प्रणालीवर उपलब्ध असलेल्या खत साठ्याच्या अनुषंगाने करण्यात येतो, असे श्री. पाटील यांनी स्पष्ट केले.
कार्यवाही करण्यात आलेले कृषी सेवा केंद्र
उत्कर्ष कृषी सेवा केंद्र, दहेगाव बंगला, (ता. गंगापूर), मेहराज एजन्सी, दहेगाव बंगाल (ता. गंगापूर), किसान एजन्सी, दहेगाव बंगला (ता. गंगापूर), हरी ओम कृषी सेवा केंद्र, दहेगाव बंगला (ता. गंगापूर), सदगुरू ॲग्रो सर्व्हिसेस, दहेगाव बंगला (ता. गंगापूर), तिरुपती कृषी सेवा केंद्र, बाबरा (ता. फुलंब्री), स्वराज कृषी सेवा केंद्र, (ता. फुलंब्री), विश्वास ॲग्रो सर्व्हिसेस बालानगर (ता. पैठण), न्यू जय भोले कृषी सेवा केंद्र, जोडवाडी (ता. छत्रपती संभाजीनगर), गौरी कृपा कृषी सेवा केंद्र, करमाड (ता. छत्रपती संभाजीनगर), मृदा संजीवनी शेती साहित्य, गांधेली (ता. छत्रपती संभाजीनगर), नागेश्वर कृषी सेवा केंद्र, बाबरा (ता. फुलंब्री), माऊली कृषी सेवा केंद्र, देवगाव रंगारी (ता. कन्नड)
विशाल कृषी सेवा केंद्र, वाकोद (ता. फुलंब्री), संतोष कृषी सेवा केंद्र, धोंदलगाव (ता. वैजापूर), श्री. सदगुरू कृपा कृषी सेवा केंद्र, बालानगर (ता. पैठण), मराठवाडा कृषी सेवा केंद्र, जटवाडा (ता. छत्रपती संभाजीनगर), हरी ओम ट्रेडर्स, जटवाडा ओव्हर (ता. छत्रपती संभाजीनगर), अमृती ॲग्रो एजन्सी, विहामांडवा (ता. पैठण), आर. के. ॲग्रो, शरणापूर (ता. छत्रपती संभाजीनगर), नाथ कृषी उद्योग, गारज (ता. वैजापूर), ओम साई ट्रेडर्स, खंडाळा (ता. वैजापूर), आदर्श कृषी सेवा केंद्र, जाधववाडी (ता. छत्रपती संभाजीनगर), गणेश कृषी सेवा केंद्र (ता. कन्नड).
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.