Washim News: हरितक्रांतीचे जनक व शेतकऱ्यांचे खरे मार्गदर्शक भारतरत्न डॉ. एम. एस. स्वामिनाथन यांची १०० वी जयंती साजरी करण्यात आली. यानिमित्त राज्य शासनाने हा दिवस ‘शाश्वत शेती दिन’ म्हणून साजरा करण्याचा निर्णय घेतला आहे. .या उपक्रमाअंतर्गत कृषी विज्ञान केंद्राचे प्रमुख डॉ. आर. एल. काळे यांच्या मार्गदर्शनाखाली गृहविज्ञान शाखेतर्फे शेतकरी कुटुंबांचे पोषण व आरोग्य सुधारण्यासाठी ‘पोषण परस बाग’ कार्यशाळा आयोजित करण्यात आली. ही कार्यशाळा मंगरूळपीर तालुक्यातील धानोरा खुर्द शिवनेरी ग्रामसंघ येथे तसेच कारंजा लाड तालुक्यातील कामरगाव येथे घेण्यात आली..Sustainable Agriculture Day: डॉ. स्वामिनाथन यांचा जन्मदिवस शाश्वत शेती दिन.गृहविज्ञान विषय प्रमुख शुभांगी वाटाणे यांनी कार्यशाळेत शेतकरी कुटुंबांचे आरोग्य टिकविण्यासाठी समतोल आणि सर्वसमावेशक आहाराचे महत्त्व स्पष्ट केले. त्यांनी पाचही अन्नगटांचा (धान्य व कडधान्य, डाळी व कडधान्ये, दूध व दुग्धजन्य पदार्थ, मांस व मासे, फळे व भाजा) समावेश असलेला आहार शरीरासाठी आवश्यक असल्याचे सांगितले..नैसर्गिक व शाश्वत पद्धतीने पूर्ण करण्यासाठी प्रत्येक कुटुंबाने आपल्या घराच्या अंगणात किंवा शेताच्या एक भागात ‘पोषण परस बाग’ स्थापन करावी, असे आवाहन त्यांनी केले. कार्यशाळेदरम्यान उमेद अभियान मधील विस्तार कार्यकर्त्या जयश्री फुके आणि सीमा धानोरकर यांनी पोषण परस बागेची रचना, पिकांची निवड, लागवड पद्धती व देखभाल यांचे प्रात्यक्षिक सादर केले. या प्रसंगी महिला शेतकऱ्यांना ‘पोषण परस बाग किट’चे वितरण करण्यात आले. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
