Nanded News: शासनाने निश्चित केलेल्या कार्यालयीन वेळेत गट शिक्षणाधिकारी कार्यालय बंद आढळल्याने माहूर पंचायत समितीतील शिक्षण विभागाच्या कारभारावर गंभीर प्रश्न निर्माण झाले आहेत. संबंधित अधिकाऱ्यांच्या कामकाजावर थेट प्रशासकीय कारवाईची टांगती तलवार असल्याचे दिसून येत आहे. .शासन निर्णयानुसार, सर्व शासकीय कार्यालये सकाळी ९.४५ ते सायंकाळी ६.१५ या वेळेत सुरू ठेवणे बंधनकारक असताना ३० जानेवारी रोजी सायंकाळी ५ वाजताच गटशिक्षणाधिकारी कार्यालय कुलूपबंद आढळले. कार्यालयीन वेळ शिल्लक असतानाही कार्यालय बंद असणे ही केवळ निष्काळजीपणा नसून शासन नियमांची पायमल्ली आहे. .Panchayat Samiti Reservation : पंचायत समित्यांच्या सभापतिपदांसाठी सोमवारी सोडत .या प्रकाराची दखल घेत गटविकास अधिकारी ज्ञानेश्वर टाकरस यांनी गट शिक्षणाधिकाऱ्यांना कारणे दाखवा नोटीस बजावत खुलासा मागवला आहे. नोटीसमध्ये महाराष्ट्र जिल्हा परिषद (वर्तणूक) नियम १९६७ आणि महाराष्ट्र नागरी सेवा नियम १९७९ चा भंग झाल्याचे स्पष्ट नमूद केले आहे. शिक्षण विभाग हा विद्यार्थ्यांच्या भवितव्याशी थेट संबंधित महत्त्वाचा विभाग आहे. त्याच विभागाच्या कार्यालयीन शिस्तीबाबत अशी ढिलाई समोर येणे चिंताजनक आहे..Panchayat Samiti Election : तीन पंचायत समितींवर १५ पासून प्रशासकराज.नागरिकांची कामे प्रलंबित राहतात, अधिकारी वेळेपूर्वी कार्यालय बंद करत असल्यास प्रशासनातील जबाबदारी नेमकी कुठे आहे, असा सवाल उपस्थित होत आहे. .खुलासा असमाधानकारक ठरल्यास संबंधितांविरुद्ध प्रशासकीय कारवाईचा प्रस्ताव मुख्य कार्यकारी अधिकारी, जिल्हा परिषद नांदेड यांच्याकडे पाठविण्यात येणार आहे. त्यामुळे या प्रकरणात आता वरिष्ठ अधिकारी काय भूमिका घेतात याकडे सर्वांचे लक्ष लागून आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
