Solapur News: उत्तर सोलापूर तहसील कार्यालयातील नायब तहसीलदाराला प्रलंबित वेतन काढून देण्यासाठी लाच स्वीकारताना पुण्याच्या लाचलुचपत प्रतिबंधक विभाग पथकाने रंगेहात पकडले. चंद्रकांत काशिनाथ हेडगिरी (वय ५२) असे लाचखोर नायब तहसीलदाराचे नाव असून, सोमवारी (ता. १५) सायंकाळी पावणेसातच्या सुमारास ही कारवाई करण्यात आली..तक्रारदार हे उत्तर सोलापूर तहसील कार्यालयांतर्गत कार्यरत असून, त्यांचे काही दिवसांचे वेतन प्रलंबित होते. ते वेतन काढून देण्यासाठी नायब तहसीलदार हेडगिरी यांनी ६० हजार रुपयांची लाच मागितली होती. तडजोडीनंतर ४० हजार रुपये देण्याचे ठरले होते. त्यानुसार सोमवारी सायंकाळी कार्यालयीन कामकाज संपल्यानंतर नायब तहसीलदाराने कार्यालयातच लाच स्वीकारली. .Bribery Case : दोन लाखांची लाच स्वीकारणारा मोताळा तहसीलदार पकडला.त्याच वेळी लाचलुचपत प्रतिबंधक विभागाच्या पथकाने त्यांना रंगेहात पकडले. ही कारवाई पोलिस निरीक्षक प्रवीणनिंबाळकर यांच्या नेतृत्वाखालील पथकाने केली. विशेष म्हणजे, नायब तहसीलदाराने स्वतःच्याच कार्यालयात लाच स्वीकारल्याचे उघड झाले आहे..Akola Bribery Case : नायब तहसीलदार बळीराम चव्हाण लाचप्रकरणात अटकेत .घरझडतीत रोकड जप्तनायब तहसीलदार हेडगिरी यांचे वय ५२ वर्षे असून, ते सेवानिवृत्तीच्या उंबरठ्यावर आहेत. त्यांना दरमहा ६० ते ६५ हजार रुपये वेतन मिळते. घराच्या झडतीत ६० हजारांची रोकड मिळाली. या प्रकरणी सदर बझार पोलिस ठाण्यात गुन्हा दाखल करण्यात आला आहे..नोटांवर पावडर, हातावर पुरावातक्रारदाराने ५ डिसेंबर रोजी पुण्यातील लाचलुचपत प्रतिबंधक कार्यालयाकडे तक्रार दिली होती. लाच मागणारा अधिकारी वरिष्ठ पदावरील असल्याने पोलिसांनी नोटांवर अॅन्थ्रासिन पावडर लावली होती. लाच स्वीकारल्यानंतर ‘मी पैसे घेतले नाहीत, तक्रारदाराचे माझ्याकडे काम नव्हते,’ असा दावा करत नायब तहसीलदाराने गोंधळ घालण्याचा प्रयत्न केला. मात्र त्यांच्या हाताला पावडर लागलेली आढळून आल्याने आरोप सिद्ध झाले, अशी माहिती सूत्रांनी दिली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
