Sangli News : जिल्ह्याच्या घाटमाथ्याला पावसाने पावसाळ्यातच चकवा दिला. दुष्काळाच्या सावटाने जनता भेदरली होती. मात्र ताकारी उपसा योजना वेळोवेळी सुरू राहिल्याने यंदा ताकारी लाभक्षेत्राला दुष्काळाची दाहकता अद्याप जाणवली नाही.
ताकारी योजना कार्यान्वित झाल्यापासून २०-२२ वर्षांत लाभक्षेत्रातील शेतीला शाश्वत पाणी मिळू लागले. परिसराने शेतीप्रगतीतून समृद्धी साधली. पर्जन्यमान कमी झाल्याने ताकारी योजनेला पाणी पुरविणारे कोयना धरणही यंदा पूर्णतः भरले नाही.
घाटमाथ्यावर ऐन पावसाळ्यातच पिण्याच्या पाण्याची टंचाई जाणवू लागली. अशा वेळी कृष्णा नदीतून वाहून जाणारे पावसाचे पाणी ताकारी योजना सुरू करून दुष्काळी भागाला देण्याचे ठरले. त्यानुसार २३ जुलैला ताकारी योजना सुरू झाली.
सलग ४० दिवस या पाण्याने मुख्य कालव्याच्या १४४ किमीपर्यंत पाणी पोहचवले. नंतर ६ नोव्हेंबरला रब्बीचे पहिले आवर्तन सुरू झाले. तेही ५० दिवस सुरू राहिले. रब्बी हंगामाचे दुसरे आवर्तन २२ जानेवारीपासून १७ मार्चपर्यंत ५६ दिवस सुरू होते.
अशा प्रकारे पाटबंधारे विभागाच्या अचूक नियोजनामुळे पाऊस झाला नाही तरी ताकारीच्या पाण्याने लाभक्षेत्राला आत्तापर्यंत दुष्काळ जाणवू दिला नाही.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.