Chh. Sambhajinagar News : येथील राष्ट्रीय कृषी संशोधन प्रकल्पाचे प्राध्यापक डॉ. डी. के. पाटील यांच्याकडे बदनापूर येथील कृषी महाविद्यालयाच्या प्राचार्य पदाचा पूर्ण वेळ पदभार देण्यात आला आहे. दुसरीकडे बदनापूरच्या कृषी संशोधन केंद्राचे प्रभारी अधिकारी डॉ. के. टी. जाधव यांच्याकडे वैजापूर येथील बाजारा संशोधन केंद्राचे नोडल अधिकारी पदाची जबाबदारी देण्यात आली आहे.
वसंतराव नाईक मराठवाडा कृषी विद्यापीठांतर्गत एका व्यक्तीकडे एकापेक्षा जास्त पदाची जबाबदारी असण्याची परंपरा कायम असल्याची स्थिती आहे. छत्रपती संभाजीनगर येथील राष्ट्रीय कृषी संशोधन प्रकल्प (एनएआरपी)मधील प्राध्यापक डॉ. डी. के. पाटील यांच्याकडे बदनापूर येथील कृषी महाविद्यालयाचे प्राचार्य व सहयोगी अधिष्ठाता या पदाचा पूर्णवेळ पदभार दिला गेला आहे. याशिवाय त्यांच्याकडे कृषी संशोधन केंद्र बदनापूरचा प्रभारी अधिकारी पदाचा अतिरिक्त पदभारही राहणार आहे.
त्यांच्याकडील बाजरा संशोधन केंद्र वैजापूर व नोडल अधिकारी मका संशोधन केंद्र कोटनांद्रा (ता. सिल्लोड) येथील अतिरिक्त पदभार कमी करण्यात आला आहे. बदनापूर येथील कृषी संशोधन केंद्राचे प्रभारी अधिकारी डॉ. के. टी. जाधव यांच्याकडे बदनापूर येथील अखिल भारतीय कृषी अनुसंधान परिषद समन्वित दालवर्गीय (तूर) पिके प्रकल्प येथील मूळ पदाचे कर्तव्य व जबाबदाऱ्या सांभाळून बाजरा संशोधन केंद्र,
वैजापूर व मका संशोधन केंद्र कोटनांद्रा (ता. सिल्लोड) येथील नोडल अधिकारी पदाचा अतिरिक्त पदभार देण्यात आला आहे. राष्ट्रीय कृषी संशोधन प्रकल्प, विभागीय कृषी, शिक्षण विस्तार केंद्र आणि नव्याने आलेल्या महाविद्यालयाची जबाबदारीही सध्या डॉ. एस. बी. पवार यांच्याकडेच आहे.
Agriculture Universityदुसरीकडे छत्रपती संभाजीनगर येथीलच हिमायत बाग फळ संशोधन केंद्राचे प्रभारी अधिकारी डॉ. संजय पाटील यांच्याकडेच बदनापूर येथील मोसंबी संशोधन केंद्राचा प्रभार कायम आहे. मनुष्यबळाची कमतरता हा विद्यापीठातील मोठा प्रश्‍न असून, संशोधन आणि विस्तार कार्याला गती देण्यासाठी विद्यापीठ कशा पद्धतीने या प्रश्नाला सोडवतो हे पाहणे महत्त्वाचे ठरणार आहे.
डॉ. राकेश अहिरे संचालक विस्तार शिक्षण
बदनापूर येथील महाविद्यालयाच्या प्राचार्य व सहयोग अधिष्ठाता डॉ. आर. डी. अहिरे यांना वसंतराव नाईक मराठवाडा कृषी विद्यापीठाच्या संचालक विस्तार शिक्षण या पदाचा पूर्ण वेळ पदभार देण्यात आला आहे. त्यांच्याकडील बदनापूर येथील कृषी महाविद्यालयाच्या सहयोग अधिष्ठाता व प्राचार्य पदाची जबाबदारी कमी करण्यात आली आहे.
ते नुकतेच निवृत्त झालेले डॉ. गिरिधारी वाघमारे यांच्या जागी जबाबदारी सांभाळतील. कृषी विभागाच्या समन्वयातून मराठवाड्यातल्या शेवटच्या शेतकऱ्यांपर्यंत कृषी विद्यापीठाने विकसित केलेले तंत्रज्ञान व शेती विषयक आवश्यक विज्ञान पोहोचविण्याचा आपला प्रयत्न राहणार असल्याचे डॉ. अहिरे यांनी स्पष्ट केले.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.