Kolhapur News: ऊसपट्टा अशी ओळख असणाऱ्या शिरोळ तालुक्यात ऊस हंगामाने गती घेतली आहे. मात्र यंत्राच्या साह्याने मोठ्या प्रमाणावर तोडी सुरू असल्याने यावर्षी गरजेप्रमाणे ऊसतोड मजुरांच्या टोळ्या उपलब्ध झाल्या नाहीत. त्यामुळे यंत्राच्या माध्यमातून ऊस तोडीकडे कारखाने व शेतकऱ्यांचा कल आहे. परिणामी तालुक्यात जनावरांसाठी चाऱ्यांची टंचाई जाणवत आहे. .कोल्हापूर, सांगली जिल्ह्यासह कर्नाटकातील कारखान्यांसाठी तालुक्यातून मोठ्या प्रमाणावर ऊस तोडी सुरू असताना चाऱ्याची टंचाई जाणवत आहे. शिरोळ तालुक्यात पिकणाऱ्या उसाच्या वाड्यासाठी पशु पालकांना शेकडाला दोनशे रुपये मोजावे लागत आहेत..Farm Labour Shortage: सुगी आली तोंडावर, मजूर मिळेनात बांधावर .शिरोळ तालुक्यात यावर्षी जवळपास पंधरा दिवस ऊस दराचे आंदोलन सुरू होते. लांबलेला ऊस हंगाम जोमात सुरू झाला आहे. ऊस तोड लांबल्यामुळे उसाला तुरे फुटले आहेत. यामुळे उसाच्या वजनात कमालीचे घट होत आहे. दरवर्षी ऊस हंगाम सुरू झाल्यानंतर जनावरांच्या चाऱ्याचा प्रश्न मिटतो..Sugarcane Payment Delay: राज्यातील १३२ कारखान्यांनी थकविली ‘एफआरपी’ रक्कम.अलीकडील चार-पाच वर्षांत यंत्राच्या साह्याने ऊस तोडी सुरू असल्यामुळे जनावरांच्या चाऱ्याचा प्रश्न हंगामात भेडसावणे सुरूच आहे. काही वर्षात मशीनने ऊसतोड सुरू असल्यामुळे हिरव्या चाऱ्याच्या टंचाईचा दूध उत्पादनावर परिणाम जाणवत आहे. ऊस गाळपाचे उद्दिष्ट पूर्ण करण्यासाठी कारखाने यंत्राचा वापर करत आहेत, तर लवकर ऊस तुटून पुढच्या पिकाची आंतरमशागत करण्यासाठी शेतकरीदेखील यंत्राचा आग्रह करत असल्याने चाऱ्याचा प्रश्न उद्भवू लागला आहे..उसाचे वाडे दोनशे रुपये शेकडाशिरोळ तालुक्यात सर्वाधिक क्षेत्रात उसाची लागवड केली जाते. गेल्या अनेक वर्षांपासून ऊसतोडीचा हंगाम जनावरांसाठी सोयीचा मानला जातो. या काळात हिरवा चारा सहजपणे उपलब्ध होत होता. मात्र यंत्राच्या साह्याने ऊस तोडीमुळे वाड्याची टंचाई निर्माण झाली आहे. त्यामुळे सध्या वाडे दोनशे रुपये शेकडा या दराने पशुपालकांना विकत घ्यावे लागत आहे..थंडीचा परिणामसध्या कडाक्याच्या थंडीमुळे गवत, हत्ती गवत यासारख्या चारा पिकांच्या वाढीला पोषक वातावरण नाही. कडाक्याच्या थंडीमुळे गवताची वाढ खुटल्याने चारा टंचाईत भर पडली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
