Agriculture Technology: राज्यातील शेतकऱ्यांपर्यंत कृषिविषयक डिजिटल सेवा अधिक प्रभावीपणे पोहोचविण्यासाठी कृषी विभागाने महत्त्वाचा निर्णय घेतला आहे. यापुढे प्रत्येक महिन्याचा दुसरा मंगळवार ‘महाविस्तार दिवस’ म्हणून साजरा करण्यात येणार असून, ऑगस्ट २०२६ पासून राज्यभर या विशेष जनजागृती मोहिमेची अंमलबजावणी होणार आहे. ऑगस्टअखेर प्रत्येक गावातील किमान ६० टक्के शेतकऱ्यांपर्यंत महाविस्तार ॲप पोहोचविण्याचे उद्दिष्ट ठेवण्यात आले आहे..कृषी सचिवांच्या अध्यक्षतेखाली झालेल्या आढावा बैठकीतील निर्देशानुसार कृषी आयुक्तांनी सर्व जिल्हा अधीक्षक कृषी अधिकाऱ्यांना याबाबत सूचना दिल्या आहेत..Ai in Agriculture: कृषी विज्ञान केंद्रात ‘एआय’ आधारित कृषी प्रणालीचा प्रारंभ.महाविस्तार ॲपच्या माध्यमातून शेतकऱ्यांना हवामानाचा अंदाज, बाजारभाव, पीक व्यवस्थापन, शासकीय योजना, गोदामांची माहिती तसेच कृत्रिम बुद्धिमत्ता (एआय) आधारित मराठी चॅटबॉटद्वारे वैज्ञानिक व विश्वासार्ह कृषी सल्ला एका व्यासपीठावर उपलब्ध होत आहे. त्यामुळे आधुनिक तंत्रज्ञानाच्या मदतीने शेतीविषयक निर्णय घेणे अधिक सुलभ होत असल्याचे कृषी विभागाने स्पष्ट केले आहे..Digital Governance: गतिमान प्रशासनासाठी ई-ऑफिस, आधुनिक तंत्रज्ञानाचा वापर आवश्यक: अपर मुख्य सचिव विकास खारगे .सध्या राज्यातील सुमारे ४१.२२ लाख शेतकऱ्यांनी महाविस्तार ॲप डाउनलोड केले आहे. राज्यातील १.७१ कोटी शेतकऱ्यांपैकी किमान एक कोटी शेतकऱ्यांपर्यंत हे ॲप पोहोचविण्याचा निर्धार शासनाने केला आहे. महाविस्तार दिनानिमित्त ग्रामपंचायत, आठवडी बाजार, शेतकरी मेळावे, शेतकरी उत्पादक कंपनी, कृषी सखी, कृषी ताई आणि महिला बचत गटांच्या माध्यमातून ॲपची माहिती दिली जाणार आहे. प्रत्येक गावात ॲप डाउनलोड व मार्गदर्शन केंद्र सुरू करणे, लाइव्ह प्रात्यक्षिके घेणे, एआय चॅटबॉटवर शेतकऱ्यांच्या प्रश्नांची उत्तरे दाखविणे, पिकांचे फोटो अपलोड करून निदानाची सुविधा समजावून सांगणे तसेच ग्रामपंचायत, कृषी कार्यालय, कृषी सेवा केंद्र आणि बाजार समित्यांमध्ये क्यूआर कोड उपलब्ध करून देण्यात येणार आहेत..याशिवाय महाविस्तार ॲपचा नियमित वापर करणाऱ्या ‘महाविस्तार दूत’ म्हणून निवड केली जाणार असून, प्रगतशील वापरकर्त्यांचा गौरवसुद्धा केला जाणार आहे. ‘माझे गाव महाविस्तार गाव’ किंवा ‘महाविस्तार ॲप वापरात अग्रेसर गाव’ ही संकल्पनाही राबविण्यात येणार आहे. कृषी सखी, कृषी ताई, पोकरा प्रकल्प वव आत्मा अंतर्गत कार्यरत क्षेत्रीय यंत्रणांच्या सहकार्याने ही मोहीम प्रभावीपणे राबविण्याचे निर्देश देण्यात आले आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
