Pune News: राज्यातील पशुपालक आणि कृषी क्षेत्राशी संबंधित उद्योगांसाठी महापशुधन एक्स्पो २०२५ हे देशपातळीवरील पशुपक्षी प्रदर्शन आयोजित करण्यात येणार आहे. बीड जिल्ह्यातील परळी वैजनाथ येथे १० ते १२ डिसेंबर २०२५ या तीन दिवसांत हे प्रदर्शन पार पडणार आहे. आधुनिक तंत्रज्ञान, पशुपालनातील नव्या संधी आणि व्यवसायवृद्धीची दिशा देण्यासाठी आयोजित या प्रदर्शनासाठी सरकारने ५ कोटी ८४ लाख रुपयांचा निधी मंजूर केला असून, याबाबतचा शासन निर्णय बुधवारी (ता. २९) प्रसिद्ध करण्यात आला आहे...राज्याच्या पशुसंवर्धन आणि पर्यावरण मंत्री पंकजा मुंडे यांच्या पुढाकारातून परळी वैजनाथला देशपातळीवरील महत्त्वाचा मान मिळाला आहे. परळीच्या इतिहासात प्रथमच असे भव्य आणि अनोखे पशुपक्षी प्रदर्शन आयोजित होणार आहे. या प्रदर्शनात महाराष्ट्रासह देशभरातील जातीवंत आणि उत्कृष्ट जनावरे दाखवली जाणार आहेत. यामुळे पशुपालकांना नव्या तंत्रज्ञानाची, प्रगत पशुपालन संगोपन पद्धतींची आणि व्यवसायवृद्धीच्या नव्या संधीची माहिती मिळणार आहे..Reptile Expo: अमेरिकेतील अनोखा अजगर बाजार .भारतातील पशुधन क्षेत्रातील महत्त्वशासन निर्णयात नमूद करण्यात आले आहे की, भारत हा जगातील सर्वात मोठा पशुधन असलेला देश असून, एकूण पशुधनापैकी तब्बल ११.६ टक्के भारतात आहे. महाराष्ट्रात पशुपालन हा शेतकऱ्यांचा स्थिर उत्पन्नाचा व्यवसाय असून अनेकांना तो कुटुंबाचा आर्थिक आधार ठरत आहे..Jalna Bamboo Expo : बाजार समितीमार्फत बांबू खरेदी, विक्री केंद्र सुरू करणार.शेतकरी व पशुपालकांना प्रोत्साहनतसेच, राज्यात ज्या भागातील शेतकरी पशुपालनावर अवलंबून आहेत, त्या भागात आत्महत्यांचे प्रमाण कमी असल्याचे अहवालात नमूद आहे. त्यामुळे विदर्भ आणि मराठवाड्यातील शेतकरी व पशुपालकांना अधिक मदत आणि प्रोत्साहन देण्याची गरज आहे. तसेच, त्यांचा राज्याच्या जीडीपीमधील वाटा वाढविणे आवश्यक असल्याचे शासन निर्णयात सांगण्यात आले आहे..पशुपालकांसाठी मार्गदर्शन आणि नवतंत्रज्ञानया प्रदर्शनाचे नियोजन पशुसंवर्धन आयुक्तांच्या मार्गदर्शनाखाली पार पडणार आहे. यामध्ये पशुसंवर्धन क्षेत्रातील व्यावसायिक, तज्ज्ञ, उद्योगपती आणि विविध संस्थांचे स्टॉल्स लावले जाणार आहेत. पशुपालकांना नव्या यंत्रसामग्री, आधुनिक साधने आणि व्यवसायातील नव्या कल्पना जाणून घेण्याची संधी मिळणार आहे. महापशुधन एक्स्पो २०२५ हा राज्यातील शेतकरी, पशुपालक आणि नागरिकांसाठी प्रेरणादायी आणि ऐतिहासिक सोहळा ठरणार आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
