Yavatmal DCC Bank : यवतमाळची जिल्हा बँक आघाडीकडून निसटणार

Cooperative Bank : यवतमाळ जिल्हा मध्यवर्ती सहकारी बँकेवर काँग्रेसची सत्ता आहे. मागील काही महिन्यांपासून अध्यक्षांच्या कार्यप्रणालीविरोधात विरोधकच नव्हे, सत्ताधारीसुद्धा नाराज होते.
Yavatmal Cooperative Bank
Yavatmal DCC Bank Agrowon
Published on
Updated on

Yavatmal News : यवतमाळ जिल्हा मध्यवर्ती सहकारी बँकेवर काँग्रेसची सत्ता आहे. मागील काही महिन्यांपासून अध्यक्षांच्या कार्यप्रणालीविरोधात विरोधकच नव्हे, सत्ताधारीसुद्धा नाराज होते. शेवटी त्यांच्यावर अविश्‍वास आणण्यासाठी संचालक मंडळ तयार झाले आहे.

यासंदर्भात देण्यात आलेल्या प्रस्तावानंतर जिल्हा उपनिबंधक नानासाहेब चव्हाण यांच्या उपस्थितीत शुक्रवारी (ता. ३१) बैठक बोलाविण्यात आली आहे. याच दिवशी बँकेच्या अध्यक्षांवरील अविश्‍वासाचा फैसला होणार आहे.

शेतकऱ्यांची बँक म्हणून यवतमाळ जिल्हा मध्यवर्ती बँकेची ओळख आहे. पाच वर्षांपूर्वी झालेल्या बँकेच्या निवडणुकीत महाविकास आघाडीने बहुमत प्राप्त केले होते. सुरुवातीला काँग्रेसचे प्रा. टिकाराम कोंगरे यांची निवड झाली होती. अडीच वर्षांच्या कार्यकाळानंतर त्यांच्याकडून राजीनामा घेऊन अध्यक्षपदी मनीष पाटील यांची निवड करण्यात आली होती.

Yavatmal Cooperative Bank
Yavatmal DCC Bank : जादा कर्जवाटप वसुलीनंतरही निरीक्षकांना ५० हजारांचा दंड

साधारणतः दीड वर्षांपूर्वी मनीष पाटील यांनी बँकेची सूत्रे हाती घेतली होती. परंतु मागील विधानसभा निवडणुकीत राज्यात भाजप, शिवसेना (एकनाथ शिंदे गट) आणि राष्ट्रवादी काँग्रेस (अजित पवार गट) या तिन्ही पक्षाच्या महायुतीने एकतर्फी विजय प्राप्त केला. राज्यातील फेरबदलामुळे सहकार क्षेत्रातील बँकासुद्धा ताब्यात घेण्यासाठी महायुतीचे नेते प्रयत्नशील आहेत.

यामध्ये यवतमाळ जिल्हा मध्यवर्ती बँकेतील महाविकास आघाडीची सत्ता उलथवण्याचा निर्णय घेण्यात आला. भरीसभर विद्यमान अध्यक्ष मनीष पाटील यांच्या विरोधात काही संचालकांमध्येही नाराजीचा सूर उमटला होता. यात विरोधी संचालकांचा समावेश आहे. परंतु मविआतील काही संचालकसुद्धा अविश्‍वासासाठी आग्रही होते.

Yavatmal Cooperative Bank
Yavatmal DCC Banck : थकित कर्जावरून जिल्हा बॅंक देणार आठ हजारांवर शेतकऱ्यांना नोटिसा

नेत्यांच्या बैठकांचे सत्र सुरू

मध्यवर्ती बँकेच्या अध्यक्षांवरील अविश्‍वासाच्या पार्श्‍वभूमीवर महायुती तसेच महाविकास आघाडीच्या नेत्यांच्या बैठकांचे सत्र चालू झाले आहे. काँग्रेसचे संचालक सर्वाधिक असल्यामुळे अध्यक्षांनी माणिकराव ठाकरे, प्रा. वसंत पुरके, माजी आमदार वामनराव कासावार यांची भेट घेतली.

परंतु, खासदार संजय देशमुख तसेच माजीमंत्री अ‍ॅड. शिवाजीराव मोघे बाहेरगावी असल्यामुळे त्यांच्यासमवेत चर्चा होऊ शकली नाही. परंतु येत्या दोन ते तीन दिवसांत ते यवतमाळला आल्यानंतर महाविकास आघाडीच्या नेत्यांची संयुक्त बैठक होणार आहे. त्यानंतरच अंतिम निर्णय होण्याची शक्यता आहे.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon - Agriculture News
agrowon.esakal.com