Monsoon 2024 : पश्‍चिम विदर्भातील जिल्ह्यांमध्ये हलका ते मध्यम स्वरूपाचा पाऊस

Akola News : मागील २४ तासांत अकोला, बुलडाणा, वाशीम या जिल्ह्यांमध्ये काही मंडलांमध्ये पावसाने हजेरी दिली. यामुळे तापमानात घट झाली आहे. दिवसभर ढगाळ वातावरण तयार होत आहे.

मंगळवारी (ता.११) सकाळपर्यंत घेतलेल्या नोंदीनुसार, वाशीम जिल्ह्यातील रिसोड तालुक्यात या आठवड्यात चांगला पाऊस झालेला आहे. या तालुक्यातील सर्वच मंडलांमध्ये सार्वत्रिक पाऊस झाला.

भर जहाँगीर २६, मोप ३६, वाकद २६.३, केनवड १५, गोवर्धन ७३.८, रिठद ५३.८, कवठा ४२.३, जऊळका १५.८, चांडस ३४, रायगाव १३.८, वारला २०.५, केकतउमरा १८.५ मिमी पावसाची नोंद झालेली आहे.

बुलडाणा जिल्हयात धाड १४, पाडळी १५.८, म्हसला ४१.८, देऊळगावराजा १५.५, देऊळगावराजा ग्रामीण ६५.३, तुळजापूर ७३.३, मेहुणराजा ६०.८, अंढेरा १४, मेहकर २१.३, डोणगाव १७.३, सिंदखेडराजा ११६.५, किनगावराजा २१, मलकापूरपांग्रा ५२.५, दुसरबीड १६.५, सोनोशी ४४.३, शेंदुर्जन ४८, लोणार ३५.३, सुलतानपूर ३६.५, टिटवी २६.३, हिरडव ६८.३, अंजनी खुर्द १९.५, लाखनवाडा १५.५, आवार १३.५,

अटाळी २०.८, जवळा बुद्रूक २२.५, नरवेल १७.८, धरणगाव १७.८, मोताळा ३३.३, धामणगाव ३४.५, रोहिणखेड २०.३, पिंपळगाव देवी ३४.५, शेंबा २५.३ पाऊस नोंद झाली. दुसरीकडे अकोला जिल्हयात बाळापूर व इतर तालुक्यातही चांगला पाऊस झाला.

यात बाळापूरमध्ये २२.५, पारस २५, व्याळा १५, वाडेगाव १३.५, उरळ बुद्रुक ४४.५, निंबा ५४, अकोला २९.५, घुसर २०.३, शिवणी २५.३, पळसो बढे १६.३, सांगळुद २०.३, कुरणखेड २६.५, कौलखेड २०.८, शेलू बाजार ३० मिलिमीटर पाऊस झालेला.

पेरणीलायक पावसाची प्रतीक्षा

या विभागात अद्याप जोरदार पाऊस झालेला नाही. मात्र, काही ठिकाणी मृगसरी झालेल्या असून शेतकरी पेरणीच्या तयारीला लागला. काही ठिकाणी पेरणीपूर्व मशागत केली जात आहे. बाजारपेठांमध्ये बी-बियाणे, रासायनिक खतांच्या खरेदीसाठी लगबग वाढलेली आहे.