Rain Alert : बहुतांश ठिकाणी हलका काही ठिकाणी मध्यम पाऊस

Chhatrapati Sambhajinagar : मराठवाड्यातील छत्रपती संभाजीनगर, जालना व बीड या तीनही जिल्ह्यातील २१० मंडलांपैकी १६२ मंडलांत बुधवारी (ता. ३१) सकाळपर्यंतच्या २४ तासात पावसाची कमी अधिक प्रमाणात हजेरी लागली. सार्वत्रिक पावसाचा मात्र सर्व दूर अभावच दिसला.

छत्रपती संभाजीनगर जिल्ह्यातील ८४ पैकी ५८ मंडलांत पाऊस झाला. बहुतांश मंडळात तुरळक, हलका झालेला हा पाऊस काही मंडळात मध्यम स्वरूपाचा झाला. जालना जिल्ह्यातील ४९ मंडलांपैकी ३५ मंडळात पावसाची तुरळक, हलकी तर काही ठिकाणी मध्यम स्वरूपाची हजेरी लागली. बीड जिल्ह्यातील एकूण ७७ मंडलांपैकी ६९ मंडलात तुरळक, हलका तर काही ठिकाणी मध्यम स्वरूपाचा पाऊस झाला.

जिल्हानिहाय पावसाची मंडले

छत्रपती संभाजीनगर जिल्हा

कचनेर ११, पिंपळवाडी ६.३, बालानगर ११.५, नांदर २३, लोहगाव ६.५, ढोरकिन २२.५, बिडकीन २९.५, पाचोड २०.८, विहामांडवा २५, आपेगाव २४.३, निलजगाव २९.५, भेंडाळा १३.५, शेंदूरवादा १२, तुर्काबाद ६.५, जामगाव १०, शिवूर ५.३, बोरसर ५.३, जानेफळ १२, सिल्लोड ७.५.

जालना जिल्हा

वरुड १२.८, अंबड ७, धनगर पिंपरी ६, गोंदी १९.८, सुखापुरी २२.५ ,परतुर १९.५, घनसावंगी १०, राणी उचेगाव ७.३, तीर्थपुरी २०.५.

बीड जिल्हा

पारगाव सिरस ८.३, थेरला ६.३, अमळनेर ६, कडा ४२.३, धामणगाव ८.५, मादळमोही १९.८, जातेगाव १३.३, पाचेगाव ९.८, धोंडराई ११.८, उमापूर ११, सीरसदेवी १३, तलवाडा ४०, माजलगाव ५, गंगामसला ५, किट्टी आडगाव १०.८, तालखेड ११.५, नित्रुड ८.८, पाटोदा ७.८, केज १४.३, हनुमंत पिंपरी ९.५, नांदुर घाट २५, चिंचोली माळी ८, नागापूर ५.८, सिरसाळा ३०, पिंपळगाव ११.३, रायमोहा ८.३, ब्रम्हनाथ येळंब ७, गोमलवाडा १०.३.