Akola News: दिवसेंदिवस घटत जाणारी शेतीयोग्य उपजाऊ जमीन आणि ग्रामीण युवकांचे शहरांकडे होत असलेले स्थलांतर चिंतनीय आहे. दुसरीकडे अत्याधुनिक प्रगत तंत्रज्ञानाच्या सहयोगाने अतिशय फायदेशीर व्यावसायिक शेती आता कृतीत आली आहे. सर्वांनी सर्वार्थाने आदर्श गाव निर्मितीचा संकल्प करूया, असे आवाहन डॉ. पंजाबराव देशमुख कृषी विद्यापीठाचे कुलगुरू डॉ. शरद गडाख यांनी केले. .भारताचे माजी पंतप्रधान (कै.) चौधरी चरण सिंह यांच्या जन्मदिनानिमित्त मंगळवारी (ता. २३) आयोजित राष्ट्रीय किसान दिनाच्या कार्यक्रमात ते बोलत होते. कृषी विद्यापीठ विस्तार शिक्षण संचालनालयाच्या पुढाकाराने आदर्श ग्राम संकल्पनेअंतर्गत चेलका येथील शेतकरी रामेश्वर पाटील उंडाळ यांच्या शेतात शेतकरी शास्त्रज्ञ सुसंवाद तथा शिवार फेरी कार्यक्रम झाला. .Rural Development: वक्तृत्वाला झाला ‘मनरेगा’ परिसाचा स्पर्श.याप्रसंगी कार्यक्रमाचे अध्यक्षस्थानी डॉ. शरद गडाख होते. कार्यक्रमाला विद्यापीठाचे संशोधन संचालक डॉ. श्यामसुंदर माने, शिक्षण संचालक डॉ. देवानंद पंचभाई, विस्तार शिक्षण संचालक डॉ. धनराज उंदीरवाडे, विस्तार शिक्षण विभागाचे प्रमुख डॉ. नितीन कोष्टी, विद्यापीठ जनसंपर्क अधिकारी डॉ किशोर बिडवे, तालुका कृषी अधिकारी श्रीमती संध्या करवा, .Rural Development: वैशिष्ट्यपूर्ण उपक्रमांसाठी सौंदाळा गावचा नावलौकीक.विद्यापीठ मॉडेल व्हिलेज उपक्रमाचे जिल्हा नोडल अधिकारी प्रा. प्रकाश घाटोळ यांच्यासह विद्यापीठ विषयतज्ज्ञ डॉ. विकास गौड, डॉ. श्रीकांत ब्राह्मणकर, डॉ. सुहास लांडे, डॉ. प्रदीप ठाकरे, डॉ. गजानन लांडे, डॉ. पंकज भोपळे आदींची विशेष उपस्थिती होती. .मॉडेल व्हिलेज चेलका येथील सरपंच अरविंद जाधव, रामेश्वर उंडाळ, विजय उंडाळ, पोलिस पाटील सौं. वैशाली उंडाळ, यांच्यासह शेतकरी, गावकरी बहुसंख्येने उपस्थित होते. यावेळी डॉ. उंदिरवाडे, डॉ. पंचभाई यांच्यासह इतर मान्यवरांनी मार्गदर्शन केले. कार्यक्रमाचे सूत्रसंचालन प्रा. प्रकाश घाटोळ यांनी केले तर विद्यापीठ जनसंपर्क अधिकारी डॉ. किशोर बिडवे यांनी आभार मानले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
