Animal Welfare Department Kolhapur : कोल्हापूर जिल्ह्यातील राशिवडे येथे शासनाच्या वैरण विकास योजनेतील मका व कडवळ बियाणाची चक्क पशुवैद्यकीय दवाखान्यात विक्री झाल्याची तक्रार शेतकऱ्यांकडून करण्यात आली आहे. तसेच ज्वारी बियाणे उपलब्ध असूनही त्याचे वाटप केले नाही. विकलेल्या बियाण्याची कोणतीही पावती दिली जात नसल्याचे शेतकऱ्यांकडून सांगण्यात येत आहे. याबाबत तालुका पशुवैद्यकीय अधिकाऱ्यांनी चौकशी करून कारवाई करण्यात येणार असल्याचे सांगितले.
राधानगरी पंचायत समितीचे पशुवैद्यकीय अधिकारी मनोज ससाणे म्हणाले की, पशुधनाच्या प्रगतीसाठी पशुसंवर्धन विभागाकडून रब्बी हंगामातील मोफत ज्वारी, मका बियाणे पुरविण्यात येते. बियाणे १०० टक्के अनुदानावर मिळतात, यामुळे कोणत्याही शेतकऱ्यांनी पैसे देऊ नयेत. बियाणे विक्री होत असल्याबाबत मला माहिती नाही. मात्र, असा प्रकार घडला असेल तर संबंधितांवर कारवाई केली जाणार असल्याचे ससाणे म्हणाले.
शेतकऱ्यांना सात-बारा उताऱ्यावर १०० टक्के अनुदानावर वैरण उत्पादनास प्रोत्साहन देण्यासाठी सुधारित जातीचे प्रमाणित बियाणे मोफत पुरवले जाते. मागणी अर्ज, सात-बारा उतारा आणि आधार कार्ड ही कागदपत्रे दिल्यानंतर उपलब्ध बियाणे शेतकऱ्यांच्या मागणीनुसार दिले जाते.
राशिवडे पशुवैद्यकीय दवाखान्यात सुमारे १५० ते २०० किलो बियाणे वाटप करण्यासाठी आले आहे. मका बियाणाचे प्रतिकिलो २० रुपये घेऊन शेतकऱ्यांनी पैसे घेतल्याचे सांगितले. तर ज्वारी बियाणे उपलब्ध असूनही दिले नाही. उपचारासाठी आलेल्या औषधांच्या विक्री आणि सेवेचा बोजवारा उडाल्याचे अनेक शेतकऱ्यांनी सांगितले. येथील कारभाराची चौकशी व्हावी, अशी मागणी शेतकऱ्यांतून होत आहे.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.