Food Processing Industry : सूक्ष्म अन्न प्रक्रिया उद्योग योजनेत कोल्हापूर राज्यात दुसरे

Kolhapur News : केंद्र पुरस्कृत पंतप्रधान सूक्ष्म अन्नप्रक्रिया उद्योग योजनेअंतर्गत वैयक्तिक घटकामध्ये २०२४-२५ मध्ये जिल्ह्यामध्ये ४१५ लक्ष्यांकापैकी ४३२ (१०४ टक्के) प्रक्रिया उद्योगांना मंजुरी मिळाली आहे.

सध्या ही योजना राबविण्यात जिल्हा राज्यात द्वितीय क्रमांकावर आहे. सर्व शेतीमालावर प्रक्रिया करणाऱ्या इच्छुक लाभार्थ्यांनी पंतप्रधान सूक्ष्म अन्नप्रक्रिया उद्योग योजनेमध्ये सहभाग नोंदवावा, असे आवाहन जिल्हा अधीक्षक कृषी अधिकारी जालिंदर पांगरे यांनी केले.श्री. पांगरे यांनी केले.

केंद्र शासन सहाय्यित पंतप्रधान सूक्ष्म अन्नप्रक्रिया उद्योग योजना २०२०-२१ ते २०२५-२६ या सहा वर्षांच्या कालावधीत राबविली जात आहे. योजनेचा हेतू शेतीमालावर प्रक्रिया करणारे सूक्ष्म अन्नप्रक्रिया उद्योग तसेच गट, शेतकरी उत्पादक गट/कंपनी/संस्था/स्वयं सहायता गट यांची पतमर्यादा वाढविणे, सध्या कार्यरत असलेल्या उद्योगांना औपचारिक रचनेमध्ये आणणे व त्यांचा विस्तार करणे, उत्पादनांचे ब्रँडिंग व विपणन बळकट करून संघटित पुरवठा मूल्य साखळीशी जोडणे, नवीन सूक्ष्म उद्योग वाढवण्यासाठी प्रोत्साहन देणे व असंघटित उद्योगांना संघटित स्वरूप देणे हा आहे. योजनेअंतर्गत केंद्र व राज्य शासनाच्या खर्चाचे प्रमाण ६०:४० असे आहे.

पंतप्रधान सूक्ष्म अन्नप्रक्रिया उद्योग योजनेअंतर्गत वैयक्तिक घटकामध्ये २०२४-२५ या आर्थिक वर्षात ४३२ लाभार्थ्यांच्या प्रक्रिया उद्योगांना मंजुरी मिळाली आहे. यासाठी २६.५१ कोटी रुपये अनुदान मंजूर करण्यात आले आहे. २०२०-२१ पासून ९९० प्रकल्प मंजूर असून लाभार्थींना ४१.८० कोटी रुपये अनुदान मिळाले आहे. यामध्ये प्रामुख्याने काजू प्रक्रिया, फळे व भाजी प्रक्रिया, बेकरी, दूध उत्पादने, मिरची प्रक्रिया, अन्नधान्य प्रक्रिया, मसाला उद्योग, पशुखाद्य निर्मिती प्रक्रिया आदी प्रकल्पांचा समावेश आहे. या योजनेद्वारे ३ हजार ८०० कुशल, अर्धकुशल कामगारांना रोजगार निर्माण झाला आहे.

उत्पादननिहाय ४३२ प्रकल्प कार्यान्वित

तृणधान्य उत्पादने ९०, गूळ उत्पादने १८, पशुखाद्य उत्पादने १०, सोयाबीन प्रक्रिया उत्पादने २, दुग्धजन्य पदार्थ उत्पादने २९, फळे व भाजीपाला प्रक्रिया उत्पादने १०, मसाले उत्पादने ३८, बेकरी प्रक्रिया उत्पादने ४८, तेलबिया उत्पादने ५, काजू उत्पादने १६७, अन्य उत्पादने ४ असे एकूण ४३२ उत्पादननिहाय प्रकल्प कार्यान्वित आहेत. या योजनेअंतर्गत ऑनलाइन अर्ज करण्यासाठी www.pmfme.mofpi.gov.in या संकेतस्थळाचा वापर करावा, असे आवाहन