Washim Kharif Sowing : खरिपात ६१ हजार हेक्टरवर पेरा प्रस्तावित

Washim News : यंदाच्या खरीप हंगामात पेरणीचे नियोजन कृषी विभागाने केले आहे. यामध्ये ६१५३३ हेक्टर क्षेत्रावर खरिपाची पेरणी प्रस्तावित करण्यात आली असून, गतवर्षी झालेल्या प्रत्यक्ष पेरणीच्या तुलनेत यंदाचे प्रस्तावित क्षेत्र १ हजार ७९ हेक्टरने वाढविण्यात आले आहे. १ हजार ४० हेक्टर सोयाबीन पेरणीत वाढ प्रस्तावित आहे.

यंदाच्या खरीप हंगामातील नियोजनासंदर्भात कृषी विभागामार्फत माहिती देण्यात आली आहे. यंदाच्या खरीप हंगामासाठी कृषी विभागाकडून करण्यात आलेल्या तयारीचा आढावा घेण्यात आला. यामध्ये गतवर्षी झालेल्या प्रत्यक्ष पेरणीच्या तुलनेत अधिक क्षेत्रावर खरीप पेरणी प्रस्तावित करण्यात आल्याचे स्पष्ट करण्यात आले.

मंगरूळपीर तालुक्यात सरासरी ६१,५३३ हेक्टर क्षेत्रावर खरीप पेरणी अपेक्षित असते. यामध्ये सोयाबीन ४६,६२८ हेक्टर, तूर ११,२२८ हेक्टर, कपाशी २३,५७ हेक्टर, असे मुख्य पिकांचे क्षेत्र आहे. त्याशिवाय मूग, उडीद, ज्वारी, बाजरीसह इतरही काही पिकांच्या पेरणीचे नियोजन करण्यात आले आहे.

खरीप हंगामात बियाणे बदलानुसार शेतकऱ्यांना बाजारातून ३० टक्के खरेदी करावे लागते. ही बाब लक्षात घेता मंगरूळपीर तालुक्यातील पेरणीच्या नियोजनानुसार प्रस्तावित बदलाप्रमाणे सोयाबीन, तूर, कपाशी, मूग, उडीद, ज्वारीसह विविध पिकांचे बियाणे उपलब्ध करून देण्यात आले आहे.

पीकनिहाय पेरणी क्षेत्र हेक्टरमध्ये

सोयाबीन ४६६२८

तूर ११२२८

मूग १६५

उडीद २०९

कापूस २३५७

तालुक्याचे खरीप हंगाम क्षेत्र स्थिती

वहिती खालील क्षेत्र ६१२७९

प्रस्तावित पेरणी क्षेत्र ६१५३३

घरगुती सोयाबीन बियाणे - ५५,९११ क्विंटल

रासायनिक खतांचा वापर १२,००० टन