Mango Development: वसंतराव नाईक मराठवाडा कृषी विद्यापीठाच्या हिमायतबाग येथील केसर आंबा गुणवत्ता केंद्राच्या बळकटीकरणाचे उद्घाटन कुलगुरू डॉ. इंद्रमणी मिश्रा आणि इस्राईलचे महावाणिज्य दूत यानीव रेवाच यांच्या हस्ते मंगळवारी (ता. १२) झाले..सुमारे साडेसात कोटी रुपये खर्चून २०१३-१४ मध्ये हिमायतबाग फळ संशोधन केंद्रात इंडो-इस्राईल प्रकल्पांतर्गत केसर आंबा गुणवत्ता केंद्राची स्थापना करण्यात आली होती. महाराष्ट्र राज्य फलोत्पादन व औषधी मंडळाने केंद्राच्या बळकटीकरणासाठी १ कोटी ३० लाख रुपयांचा निधी उपलब्ध करून दिला आहे. या निधीतून आधुनिक रोपवाटिका उभारणी, स्वयंचलित खत-पाणी व्यवस्थापन प्रणाली तसेच आधुनिक यंत्रसामग्री खरेदीची कामे प्राधान्याने करण्यात आली आहेत..Kesar Mango Quality Centre: तंत्रज्ञांची केसर आंबा गुणवत्ता केंद्रास भेट .कार्यक्रमास नवी दिल्ली येथील माशावचे प्रकल्प अधिकारी ब्रह्मदेव यांच्यासह आंबा उत्पादक शेतकरी उपस्थित राहणार आहेत. राज्याचे फलोत्पादन संचालक अंकुश माने, विद्यापीठाचे संशोधन संचालक डॉ. खिजर बेग तसेच हिमायतबाग फळ संशोधन केंद्र व केसर आंबा गुणवत्ता केंद्राचे प्रमुख डॉ. संजय पाटील यांचीही प्रमुख उपस्थिती असेल..यापूर्वी ऑगस्ट २०२५ मध्ये इंडो-इस्राईल प्रकल्पाचे कृषी समन्वयक युरी रुबिन्स्टन आणि प्रकल्प अधिकारी ब्रह्मदेव यांनी हिमायतबाग फळ संशोधन केंद्रातील केसर आंबा गुणवत्ता केंद्राची पाहणी केली होती. यावेळी त्यांनी संरक्षित शेती, विविध अंतरावरील आंबा बागा, पुनरुज्जीवनासाठी सुरू असलेले प्रयोग, सिंचन व्यवस्था, खत व्यवस्थापन तसेच मशागतीचे व्यवस्थापन याची प्रत्यक्ष प्रक्षेत्रावर पाहणी करून माहिती घेतली होती..संशोधन व गुणवत्ता केंद्र असल्याने येथे शेतकऱ्यांना आदर्श स्वरूपाचे प्रात्यक्षिक दिसले पाहिजे. प्रक्षेत्रावरील मदर ब्लॉक आणि उत्पादनक्षम बागांची स्पष्ट निश्चिती असावी. तसेच ठिबक सिंचनातील पाण्याचा दाब शेवटच्या टोकापर्यंत योग्य प्रकारे पोहोचतो का, याची यंत्रणेद्वारे तपासणी व्हावी, अशा सूचना ब्रह्मदेव यांनी यावेळी दिल्या होत्या..केसर आंबा गुणवत्ता केंद्राविषयी थोडेसे...सुमारे साडेसात कोटी खर्चून २०१३-१४ मध्ये हिमायतबाग फळ संशोधन केंद्रात केसर आंबा गुणवत्ता केंद्र इंडो इस्राईल प्रकल्प अंतर्गत अस्तित्वात आले. महाराष्ट्र राज्य फलोत्पादन व औषधी मंडळाने केसर आंबा गुणवत्ता केंद्राच्या बळकटी करण्यासाठी १ कोटी ३० लाखांचा निधी दिला.२०१५- १६ ते २०२५- २६ दरम्यान केंद्राने सुमारे १०६ प्रशिक्षण ९९ प्रक्षेत्र भेटी आयोजित केल्या. सुमारे ३२७० शेतकऱ्यांना आंबा पिकाविषयी प्रशिक्षित केले. तर सुमारे ३९७५ शेतकऱ्यांच्या बागांना भेटी दिल्या. याआधी इंडो- इस्राईल प्रकल्पाचे कृषी समन्वयक.Kesar Amba: केसर आंबा गुणवत्ता केंद्राचे बळकटीकरण.यूरी रुबिन्स्टन आणि प्रकल्प अधिकारीब्रम्हदेव यांनी ऑगस्ट २०२५ मध्ये हिमायत बाग फळ संशोधन केंद्रातील केसर आंबा गुणवत्ता केंद्राची पाहणी केली होती. त्यानंतर श्री यानीव रिवाच यांची भेट महत्त्वाची मानली जाते आहे..विभागणी कृषी सहसंचालक सुनील वानखेडे म्हणाले, इंडो-इस्राईल प्रकल्पांतर्गत चार सेंटर ऑफ एक्सलन्स मंजूर झाले. केसर आंबा गुणवत्ता केंद्राची बळकटीकरण महत्त्वाची घटना आहे. याच वेळी इस्राइलने ब्रीडिंगसाठी रूट स्टॉक चांगले देणे, आंब्याच्या चांगल्या जाती देणे, प्रात्यक्षिकासाठी नर्सरी तंत्रज्ञानात हायटेक पॉलिहाउस ऑटोमायझेशन सह उभारून द्यावे, मूल्य साखळी साठी मदत करावी, ब्रॅण्डिंग करीत आहे त्यांच्याकडील तंत्रज्ञान द्यावे अशी मागणी केली. या संदर्भात लवकरच आपण इस्राईलच्या व्यवस्थापनाकडे लेखी पत्रव्यवहार करण्यात असल्याचेही श्री वानखेडे म्हणाले..शेती केवळ अन्नधान्य उत्पादन करणारे साधन नसून शेतकरी कुटुंबाला सर्वार्थाने उभे करणारी व्यवस्था आहे. भारतीय आंबे त्यांची चव गुण आणि रंगामुळे जगभर प्रसिद्ध आहे. बळकटीकरणासह सेवेत असलेले केसर आंबा गुणवत्ता केंद्र पाहून समाधान होते आहे. कृषी क्षेत्रातील आदान प्रदान अधिक बळकट करण्यावर भर राहील.- यानीव रिवाच, इस्राईलचे मुंबईतील कॉन्सुलेट जनरल.शेतकरी देवो भव म्हणत वसंतराव नाईक मराठवाडा कृषी विद्यापीठातील प्रत्येक घटकाचे काम सुरू आहे. शेतकरी तंत्रज्ञान स्वीकारत असून केसर आंबा गुणवत्ता केंद्र बळकटीकरणानंतर अधिक सक्षमतेने शेतकऱ्यांच्या सेवेत काम करेल.- डॉ. इंद्र मणी कुलगुरू, वसंतराव नाईक मराठवाडा कृषी विद्यापीठ, परभणी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
