Pune News: लोकसहभागातून कासाळगंगा नदीचे पुनरुज्जीवन करण्यात आले. हे शाश्वत ग्रामविकासचे मॉडेल आहे, असे जलतज्ज्ञ डॉ. राजेंद्र सिंह यांनी नमूद केले.पुण्यातील ‘यशदा’ मधील जलसाक्षरता केंद्रातर्फे जागतिक नदी दिवसानिमित्त सोमवारी (ता. २९) झालेल्या कार्यक्रमात डॉ. सोमिनाथ घोळवे लिखित‘कासाळगंगा : कहाणी लोकसहभागातून जलविकासाची’ या पुस्तकाचे प्रकाशन जलतज्ज्ञ डॉ. सिंह, पोपटराव पवार .पुणे विभागीय आयुक्त डॉ. चंद्रकांत पुलकुंडवार, ‘यशदा’चे महासंचालक निरंजन कुमार सुधान्शु, अतिरिक्त महासंचालक शेखर गायकवाड, उपमहासंचालक डॉ. मल्लिनाथ कलशेट्टी, केंद्राचे संचालक आनंद पुसावळे यांच्या हस्ते झाले. या प्रसंगी ते बोलत होते..Sustainable Development : गरजा कमी केल्या तरच नैसर्गिक घटकांचे संवर्धन .या वेळी द युनिक फाऊंडेशनचे डॉ. विवेक घोटाळे, केदार देशमुख, डॉ. घोळवे, माजी सरपंच बाळासाहेब ढाळे, माजी उपसरपंच दिलीप नागणे, ग्रामविकास अधिकारी शंकर मेटकरी, कल्याण लुबाळ, ग्रामविकास अधिकारी बाळासाहेब शिंदे, अभियंता अनिकेत महाजन, निवृत्त कृषी अधिकारी, शशिकांत महामुनी, दीपक धोकटे हे उपस्थित होते. डॉ. घोळवे यांनी अभ्यासातील निरीक्षणे उपस्थितांपुढे ठेवली. द युनिक फाउंडेशनच्या उपक्रमांविषयी माहिती दिली..Sustainable Development : शाश्वत विकासाचे नियोजन.सोलापूर जिल्ह्यातील सांगोला, पंढरपूर, माळशिरस तालुक्यांतील २३ गावे-वाड्या वस्त्यांवरील जनतेने एकत्र येऊन कासाळगंगा नदीला पंढरपूरच्या चंद्रभागा नदीच्या उपनदीचे स्वरूप प्राप्त करून दिले. याकामात महाराष्ट्र शासनाचे विविध विभाग, ‘सीएसआर’चा सहभाग मिळाला. नदी पुनरुज्जीवनातून पाणी उपलब्ध झाल्याने दुष्काळ मुक्तीला मदत झाली..शिवाय पावसाच्या बदलत्या वेळापत्रकात धो-धो पाऊस झाल्यावर पुराच्या तडाख्यातून वाचण्यासाठी कामाचा हातभार लागला. शेती आणि संलग्न व्यवसायातून २० टक्क्यांनी उत्पादन वाढ झाली. या बदलाचा वेध डॉ. घोळवे यांनी या पुस्तकात घेतला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
