Jalana maratha reservation protest : मराठा आरक्षणासाठी जालन्यात मनोज जरांगे-पाटील यांनी सात दिवसांपासून उपोषण सुरू केले आहे. त्यांच्या आंदोलनाला राज्यभरातून पाठिंबा मिळत आहे. अशातच शनिवारी आंदोलनकर्त्यांवर पोलिसांनी लाठीचार्ज केला. या घटनेचे तीव्र पडसाद राज्यभरात उमटले. आज मनसेचे अध्यक्ष राज ठाकरे यांनी जालना दौरा केला. यावेळी त्यांनी मनोज जरांगे पाटील यांची भेट घेतल्यानंतर सरकारवर घणाघाती टीका केली.
लाठीचार्जची घटना घडल्यानंतर शरद पवार, उद्धव ठाकरे, अशोक चव्हाण, विजय वड्डेटीवार यांनी उपोषणस्थळी जाऊन आंदोलनाला पाठिंबा दिला. त्यानंतर आज मनसेचे अध्यक्ष राज ठाकरे यांनीही जालना दौरा केला. यावेळी आंदोलकांनी त्यांचा ताफा अडवून आपल्या मागण्यांसाठी पाठपुरावा करण्याची मागणी केली. त्यानंतर राज ठाकरे यांनी मनोज जरांगे पाटील यांची भेट घेऊन आंदोलनाला पक्षाचे समर्थन दिले.
यावेळी बोलताना राज्य सरकारवर घणाघाती टीका केली. मी आज राजकारण करायला या ठिकाणी आलेलो नाही. पण जी दृश्यं मी पाहिली, ज्या प्रकारे माता-भगिनींवर लाठ्या चालवल्या गेल्या ते बघवलं नाही म्हणून मी जालन्यात आलो. गेंड्याच्या कातडीच्या राजकारण्यांसाठी तुमचा जीव गमावू नका. पोलिसांना दोष देऊ नका, आदेश कुणी दिला त्यांना दोष द्या असं राज ठाकरे म्हणाले.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
